ಇತ್ತೀಚೆಗೆ ಬೆಂಗಳೂರು ಮೂಲದ ಮಹಿಳೆಗೆ ಮುಂಬೈ ರೈಲಿನಲ್ಲಾದ ಕಹಿ ಅನುಭವದ ಬಗ್ಗೆ ಕೇಳೇ ಇರುತ್ತೀರಿ. ಕಾಮುಕನೊಬ್ಬ ರೈಲಿನಲ್ಲಿ ತನ್ನ ಗುಪ್ತಾಂಗ ಹೊರತೆಗೆದು ಮಹಿಳೆಯರ ಕಡೆ ನೋಡುತ್ತಾ ಹಸ್ತಮೈಥುನ ಮಾಡಿದ್ದ ಬಳಿಕ ಪೊಲೀಸರು ಆತನ ಹೆಡೆಮುರಿ ಕಟ್ಟಿದ್ದರು. ದೆಹಲಿಯಲ್ಲೂ ಇಂಥದ್ಧೇ ಒಂದು ಘಟನೆ ನಡೆದಿದೆ.
ಜೆಂಟಲ್ ಮ್ಯಾನ್ ರೀತಿ ಕಾರಿನಲ್ಲಿ ಬಂದ 34 ವರ್ಷದ ವ್ಯಕ್ತಿ ಜವಹರಲಾಲ್ ನೆಹರು ವಿವಿಯಲ್ಲಿ ಓದುತ್ತಿರುವ ಜರ್ಮನ್ ವಿದ್ಯಾರ್ಥಿನಿ ಮುಂದೆ ಹಸ್ತ ಮೈತುನ ಮಾಡಿದ್ದಾನೆ. ಹುಡುಗಿ ಕಿರುಚಿದಾಗ ಕಾರಿನಲ್ಲಿ ಹತ್ತಿ ಪರಾರಿಯಾಗಿದ್ದಾನೆ. ಘಟನೆಯನ್ನ ಅಷ್ಟಕ್ಕೇ ಬಿಡದ ಯುವತಿ ಕಾರಿನ ವಿಡಿಯೋ ಮಾಡಿ ಪೊಲೀಸರಿಗೆ ನೀಡಿದ್ದಳು. ಇದೀಗ, ಬೀದಿ ಕಾಮಣ್ಣನನ್ನ ಬಂಧಿಸಿರುವ ಪೊಲೀಸರು ಕಂಬಿ ಹಿಂದೆ ತಳ್ಳಿದ್ದಾರೆ.
ಇದೇನು ಮೊದಲ ಬಾರಿಯಲ್ಲ. ಆಗಾಗ್ಗೆ ಇಂತಹ ಘಟನೆಗಳು ನಡೆಯುತ್ತಲೇ ಇರುತ್ತವೆ. ಧೈರ್ಯವಂತ ಮಹಿಳೆಯರು ಬಯಲಿಗೆಳೆದಾಗ ಬಯಲಿಗೆ ಬರುತ್ತವೆ. ಇಲ್ಲದಿದ್ದರೆ ಇಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
