ಮಗನನ್ನು ಕೊಂದು ಮೃತದೇಹದೊಂದಿಗೆ ರಾತ್ರಿ ಕಳೆದ ತಂದೆ!

ಕಾನ್ಪುರ: ಲಾಕ್ ಡೌನ್ ವೇಳೆ ಉದ್ಯೋಗ ಕಳೆದುಕೊಂಡು ಮಾನಸಿಕ ಖಿನ್ನತೆಗೊಳಗಾಗಿದ್ದ ತಂದೆ ತನ್ನ 7 ವರ್ಷದ ಮಗನನ್ನೇ ಕೊಂದು ಆತನ ಮೃತದೇಹದೊಂದಿಗೆ ರಾತ್ರಿಯಿಡೀ ಕಳೆದ ಘಟನೆ ಉತ್ತರ ಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ.

ಬೆಳಿಗ್ಗೆ ಪತ್ನಿ ಎಬ್ಬಿಸಿದಾಗ ಆತನೇ ತಾನು ಮಗನನ್ನು ಕೊಂದಿರುವುದಾಗಿ ಹೇಳಿಕೊಂಡಿದ್ದಾನೆ. ತಕ್ಷಣವೇ ಆಕೆ ತನ್ನ ಸಂಬಂಧಿಕರಿಗೆ ಕರೆ ಮಾಡಿದ್ದಾಳೆ. ಸಂಬಂಧಿಕರು ಪೊಲೀಸರಿಗೆ ಕರೆ ಮಾಡಿದ್ದಾರೆ. ಇದಕ್ಕೆಲ್ಲಾ ಆತ ತನ್ನ ಮಗನನ್ನು ಅತಿಯಾಗಿ ಪ್ರೀತಿಸುತ್ತಿದ್ದುದೇ ಕಾರಣವಂತೆ. ಕೆಲಸ ಕಳೆದುಕೊಂಡ ಮೇಲೆ ಮಗನ ಭವಿಷ್ಯದ ಬಗ್ಗೆ ತೀವ್ರ ಚಿಂತೆಗೊಳಗಾಗಿದ್ದ ಆರೋಪಿ ಅದೇ ಕಾರಣಕ್ಕೆ ಮನೋರೋಗಿಯಾಗಿದ್ದ ಎನ್ನಲಾಗಿದೆ.