ಕೋಲ್ಕತ್ತಾ:ಮಗ ಪಾನಿಪೂರಿ ತಿನ್ನಲು ದುಡ್ದು ಕೇಳಿದ ಎಂಬ ಕಾರಣಕ್ಕೆ ಅಪ್ಪ ತನ್ನ ಮಗನನ್ನೇ ಹೊಡೆದು, ನೇಣು ಬಿಗಿದು ಸಾಯಿಸಿದ ಅಮಾನುಷ ಘಟನೆ ಪಶ್ಚಿಮ ಬಂಗಾಳದ ದಿನ್ ಹಟಾ ಎಂಬಲ್ಲಿ ನಡೆದಿದೆ.
12 ವರ್ಷದ ಎಂಬ ಬಾಲಕ ಪಾನಿಪೂರಿ ತಿನ್ನಲು ದಿಡ್ಡು ಕೇಳಿದ್ದಾನೆ. ಇದೇ ಕಾರಣಕ್ಕೆ ಅಪ್ಪ ಲಕ್ಷ್ಮಣ್ ಪಾಸ್ವಾನ್, ಮಗನನ್ನು ಹೊಡೆದಿದ್ದು ಮಾತ್ರವಲ್ಲ ನೇಣು ಬಿಗಿದು ಸಾಯಿಸಿಯೇ ಬಿಟ್ಟಿದ್ದಾನೆ ಪಾಪಿಷ್ಟ. ಮಗನನ್ನು ಹೊಡೆಯುತ್ತಿದ್ದ ವೇಳೆ ತಾಯಿ ತಡೆಯಲು ಬಂದಿದ್ದಾಳೆ. ಆದರೂ ಹೊಡೆಯುವುದನ್ನು ನಿಲ್ಲಿಸದ ಅಪ್ಪ ಕೊನೆಗೆ ಮಗನ ಕುತ್ತಿಗೆಗೆ ನೇಣು ಕುಣಿಕೆ ಬಿಗಿದೇ ಬಿಟ್ಟಿದ್ದಾನೆ.
ಗದ್ದಲ ನಡೆಯುತ್ತಿರುವುದನ್ನು ಕೇಳಿದ ಅಪ್ಪ-ಪಕ್ಕದ ನಿವಾಸಿಗಳು ಓಡಿಬಂದು ಬಾಲಕನನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ಆಸ್ಪತ್ರೆ ತಲುಪುವ ಮೊದಲೇ ಮಗ ಸಾವನ್ನಪ್ಪಿದ್ದ ಎಂದು ವೈದ್ಯರು ತಿಳಿಸಿದ್ದಾರೆ. ಅದ್ಕೆ ಹೇಳೋದು ಕೋಪದಲ್ಲಿ ಕುಯ್ದುಕೊಂಡ ಮೂಗು ಮತ್ತೆ ಬರುತ್ತಾ...? ಅಪ್ಪನ ಕೋಪಕ್ಕೆ ಬಾಲಕ ಬಲಿಯಾಗಿದ್ದಾನೆ.
