ಭ್ರಷ್ಟ ಸಚಿವ ಖಾಡ್ಸೆ ರಾಜೀನಾಮೆ: ಮೋದಿ-ಶಾಹ ಜೋಡಿಗೆ ಮೊದಲ ಕಂಟಕ

ಭ್ರಷ್ಟಾಚಾರದ ವಿರುದ್ಧ ಬಿಜೆಪಿ ಪಕ್ಷ ಶೂನ್ಯ ತಾಳ್ಮೆ ಹೊಂದಿದೆ ಎಂದು ಕೇಂದ್ರದಲ್ಲಿ ಅಧಿಕಾರಕ್ಕೆ ಬಂದ ನರೇಂದ್ರ ಮೋದಿ ಮತ್ತು ಅಮಿತ್ ಶಾ ಜೋಡಿಗೆ, ಬಿಜೆಪಿ ಸಚಿವ ಏಕನಾಥ್ ಖಾಡ್ಸೆ ಭ್ರಷ್ಟಾಚಾರ ಪ್ರಕರಣ ಕಳಂಕ ತಂದಿದೆ.

ಬಿಜೆಪಿಯ ಕೇಂದ್ರ ನಾಯಕತ್ವ ಕೂಡಲೇ ರಾಜೀನಾಮೆ ನೀಡುವಂತೆ ಆದೇಶಿಸಿದ ಹಿನ್ನೆಲೆಯಲ್ಲಿ, ಏಕನಾಥ್ ಖಾಡ್ಸೆ ಇಂದು ಬೆಳಿಗೆ ಮುಖ್ಯಮಂತ್ರಿ ದೇವೇಂದ್ರ ಫಢ್ನವೀಸ್‌ ಅವರಿಗೆ ತಮ್ಮ ರಾಜೀನಾಮೆ ಪತ್ರ ನೀಡಿದ್ದಾರೆ.

ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್, ಪ್ರಧಾನಿ ಮೋದಿ ಮತ್ತು ಅಮಿತ್ ಶಾರನ್ನು ಭೇಟಿಯಾಗಿ ಖಾಡ್ಸೆ ವಿರುದ್ಧದ ಆರೋಪಗಳ ಬಗ್ಗೆ ವಿವರಣೆ ನೀಡಿದಾಗಲೇ ಖಾಡ್ಸೆ ರಾಜೀನಾಮೆ ಫೈನಲ್ ಆಗಿತ್ತು ಎನ್ನಲಾಗಿದೆ.

ಸಚಿವ ಸಂಪುಟದಲ್ಲಿ ಎರಡನೇ ಪ್ರಭಾವಿ ಸಚಿವರಾಗಿದ್ದ ಖಾಡ್ಸೆ, ಕರಾಚಿಯಿಂದ ದಾವೂದ್ ದೂರವಾಣಿಗಳ ಕರೆ ಬಹಿರಂಗವಾಗಿರುವುದು ಮತ್ತು ಭೂ ಕಬಳಿಕೆ ಸೇರಿದಂತೆ ಸರಣಿ ಹಗರಣಗಳು ಬಹಿರಂಗವಾಗಿದ್ದರಿಂದ ರಾಜೀನಾಮೆ ನೀಡುವುದು ಅನಿವಾರ್ಯವಾಗಿತ್ತು ಎನ್ನಲಾಗಿದೆ. 

ಮಹಾರಾಷ್ಟ್ರ ಕೈಗಾರಿಕೆ ಅಭಿವೃದ್ಧಿ ನಿಗಮದಿಂದ 40 ಕೋಟಿ ಬೆಲೆಬಾಳುವ ಮೂರು ಏಕರೆ ಭೂಮಿಯನ್ನು ಕೇವಲ 3,75 ಕೋಟಿಗಳಿಗೆ ಖರೀದಿಸಿ ತಮ್ಮ ಪತ್ನಿ ಮತ್ತು ಅಳಿಯನ ಹೆಸರಿಗೆ ವರ್ಗಾಯಿಸಿದ್ದರು. 

ನಿನ್ನೆ ರಾತ್ರಿ ಸುದ್ದಿಗಾರರೊಂದಿಗೆ ಮಾತನಾಡಿದ ಖಾಡ್ಸೆ, ಆಧಾರ ರಹಿತ ಆರೋಪಗಳ ಕುರಿತಂತೆ ಬಿಜೆಪಿ ಕೇಂದ್ರೀಯ ನಾಯಕತ್ವ ಯಾವುದೇ ನಿರ್ದೇಶನ ನೀಡಿಲ್ಲ ಎಂದು ಹೇಳಿಕೆ ನೀಡಿದ್ದರು. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.