ಮೋದಿ, ಅಖಿಲೇಶ್ ಯಾದವ್ ವಿರುದ್ಧ ಮಾಯಾವತಿ ವಾಗ್ದಾಳಿ

ಪ್ರಧಾನಮಂತ್ರಿ ನರೇಂದ್ರ ಮೋದಿ ಸರಕಾರ ಜನತೆಯ ದಾರಿ ತಪ್ಪಿಸಿಲು ಢಂಬಾಚಾರದ ಯೋಜನೆಗಳನ್ನು ಜಾರಿಗೊಳಿಸುತ್ತಿದೆ. ಬಿಜೆಪಿ ಅಧಿಕಾರಕ್ಕೆ ಬಂದ ದಿನದಿಂದ ದೇಶದ ಜನತೆಗೆ ಕೆಟ್ಟ ದಿನಗಳು ಬಂದಿವೆ ಎಂದು ಮಾಜಿ ಮುಖ್ಯಮಂತ್ರಿ ಮಾಯಾವತಿ ವಾಗ್ದಾಳಿ ನಡೆಸಿದ್ದಾರೆ.

ಮಥುರಾ ಹಿಂಸಾಚಾರ ಘಟನೆಯ ಬಗ್ಗೆ ಸುಪ್ರೀಂಕೋರ್ಟ್ ಮೇಲ್ವಿಚಾರಣೆಯಲ್ಲಿ ತನಿಖೆಯಾಗಬೇಕು. ಸಮಾಜವಾದಿ ಪಕ್ಷದ ಸರಕಾರದ ವೈಫಲ್ಯತೆಯಿಂದ ಇಂತಹ ಹೇಯ ಘಟನೆ ನಡೆದಿದೆ ಎಂದು ಗುಡುಗಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಮಾಯಾವತಿ, ಮಥುರಾ ಘಟನೆಯನ್ನು ಸಿಎಂ ಅಖಿಲೇಶ್ ಯಾದವ್ ಗಂಭೀರವಾಗಿ ತೆಗೆದುಕೊಂಡಿಲ್ಲ. ಅವರು ಇಂದು ಬುಂದೇಲ್‌ಖಂಡ್‌ಗೆ ತೆರಳುವ ಬದಲು ಮಥುರಾಗೆ ತೆರಳಬಹುದಿತ್ತು ಎಂದರು.

ಮಥುರಾದಲ್ಲಿ ಭೂ ಕಬಳಿಕೆದಾರರು ಮತ್ತು ಪೊಲೀಸರ ಮಧ್ಯೆ ನಡೆದ ಘರ್ಷಣೆಯಲ್ಲಿ ಎಸ್‍ಪಿ, ಎಸ್‌ಎಚ್‌ಓ ಸೇರಿದಂತೆ 24 ಜನರನ್ನು ಹತ್ಯೆಗೈಯಲಾಗಿದೆ.

ಪ್ರಧಾನಮಂತ್ರಿ ನರೇಂದ್ರ ಮೋದಿ ಸರಕಾರದ ಯಾವುದೇ ಯೋಜನೆಗಳು ಜನತೆಗೆ ತಲುಪುತ್ತಿಲ್ಲ. ಕೇವಲ ಪೊಳ್ಳು ಪ್ರಚಾರದ ತಂತ್ರಗಳಾಗಿವೆ. ಬಡವರು, ದಲಿತರು, ಶೋಷಿತರಿಗೆ ಕೆಟ್ಟದಿನಗಳು ಬಂದಂತಾಗಿವೆ ಎಂದು ಉತ್ತರಪ್ರದೇಶದ ಮಾಜಿ ಮುಖ್ಯಮಂತ್ರಿ ಮಾಯಾವತಿ ಕಿಡಿಕಾರಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.