ರಜನಿಕಾಂತ್ ಜತೆಗೆ ನನ್ನನ್ನು ಹೋಲಿಸುವುದು ಕೆಟ್ಟದ್ದು ಎಂದ ಕಮಲ್ ಹಾಸನ್

ಚೆನ್ನೈ: ರಾಜಕೀಯಕ್ಕೆ ಬರಲು ಸಿದ್ಧತೆ ಮಾಡುತ್ತಿರುವ ತಮಿಳು ಸೂಪರ್ ಸ್ಟಾರ್ ಕಮಲ್ ಹಾಸನ್ ತಮ್ಮನ್ನು ರಜನೀಕಾಂತ್ ಜತೆ ಹೋಲಿಕೆ ಮಾಡಬೇಡಿ ಎಂದಿದ್ದಾರೆ.

ಆಂಗ್ಲ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಕಮಲ್ ನಮ್ಮಿಬ್ಬರ ದಾರಿ ಬೇರೆ. ಹಾಗಾಗಿ ನಮ್ಮಿಬ್ಬರನ್ನು ಹೋಲಿಸುವುದು ತೀರಾ ಕೆಟ್ಟದ್ದಾಗಿರುತ್ತದೆ. ಹಾಗೆಯೇ ಕಮಲ್ ವರ್ಸಸ್ ರಜನಿ ಎಂದರೂ ಅಸಹ್ಯವಾಗಿರುತ್ತದೆ ಎಂದು ಕಮಲ್ ಹೇಳಿದ್ದಾರೆ.

ಹಾಗಿದ್ದರೂ ಒಬ್ಬ ಸ್ನೇಹಿತನಾಗಿ ರಜನಿ ಜತೆ ರಾಜಕೀಯಕ್ಕೆ ಬರುವುದಾಗಿ ಹೇಳಿದ್ದೇನೆ. ಅದರ ಹೊರತಾಗಿ ನಮ್ಮಿಬ್ಬರ ದಾರಿ ಬೇರೆ ಎಂದು ಕಮಲ್ ಸ್ಪಷ್ಟಪಡಿಸಿದ್ದಾರೆ. ಆಮ್ ಆದ್ಮಿ ಪಕ್ಷದಂತೆ ತಾವು ಸ್ಥಾಪಿಸುವ ಪಕ್ಷದಲ್ಲೂ ಜನ ಸಾಮಾನ್ಯರು, ಯೋಗ್ಯರೇ ಇರುತ್ತಾರೆ. ನಮ್ಮ ಪಕ್ಷಕ್ಕೂ ಜನರಿಂದಲೇ ಹಣ ಬರುತ್ತದೆ ಎಂದು ಕಮಲ್ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ