ತಮ್ಮ ನೆಚ್ಚಿನ ನಾಯಕಿ, ತಮಿಳುನಾಡು ಮುಖ್ಯಮಂತ್ರಿ ಜೆ. ಜಯಲಲಿತಾ ನಿಧನದಿಂದ ಆಘಾತಗೊಂಡು ಸಾವನ್ನಪ್ಪಿದವರ ಸಂಖ್ಯೆ 68ಕ್ಕೇರಿದೆ.
ಪ್ರೀತಿಯ ಅಮ್ಮನ ಅಗಲಿಕೆಯಿಂದ ನೊಂದು ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಸಾವು ಸಂಭವಿಸಿದ್ದು, ಜಿಲ್ಲಾವಾರು ಕೃಷ್ಣಗಿರಿ(8) ಯಲ್ಲಿ ಅತಿ ಹೆಚ್ಚು ಸಾವುಗಳು ಸಂಭವಿಸಿವೆ. ಸೇಲಂ 7 , ತಿರುವಳ್ಳೂರು-5 ಕಾಂಚೀಪುರಂ- 4 ಧರ್ಮಪುರಿ- 4 ಜನರು ಮೃತಪಟ್ಟ ವರದಿಯಾಗಿವೆ.
ಟಿವಿಯಲ್ಲಿ ನಿಧನದ ವಾರ್ತೆ ಪ್ರಸಾರವಾಗುತ್ತಿದ್ದಂತೆ ಕೆಲವರು ಹೃದಯಾಘಾತಕ್ಕೊಳಗಾದರೆ, ಮತ್ತೆ ಕೆಲವರು ಪಾರ್ಥಿವ ಶರೀರವನ್ನು ನೋಡಿ ಕುಸಿದು ಬಿದ್ದು ಸತ್ತಿದ್ದಾರೆ.
ಜಯಾ ಅವರಿಗೆ ಹೃದಯಾಘಾತವಾದ ದಿನವೇ ಇಬ್ಬರು ಅಭಿಮಾನಿಗಳು ಮೃತಪಟ್ಟಿದ್ದರು.
ಕಳೆದ ಸೆಪ್ಟೆಂಬರ್ 23ರಂದು ಜ್ವರ ಮತ್ತು ನಿರ್ಜಲೀಕರಣದಿಂದ ಚೆನ್ನೈನ ಅಪೋಲೋ ಆಸ್ಪತ್ರೆ ಸೇರಿದ್ದ ತಮಿಳುಮಾಡು ಸಿಎಂ ಜಯಲಲಿತಾ ಅವರಿಗೆ ಭಾನುವಾರ ಹೃದಯಾಘಾತವಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಸೋಮವಾರ ರಾತ್ರಿ 11. 30ಕ್ಕೆ ಅವರು ಮರಣವನ್ನಪ್ಪಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
