ನವದೆಹಲಿ: ಪಾಕಿಸ್ತಾನದ ವಿರುದ್ಧ ಚಾಂಪಿಯನ್ಸ್ ಟ್ರೋಫಿ ಫೈನಲ್ ನಲ್ಲಿ ಜಸ್ಪ್ರೀತ್ ಬುಮ್ರಾ ಎಸೆದ ನೋ ಬಾಲ್ ಎಸೆತ ಭಾರೀ ಟೀಕೆಗೊಳಗಾಗಿತ್ತು. ಆದರೆ ಆ ನೋಬಾಲ್ ಇದೀಗ ಜೈಪುರ ಪೊಲೀಸರಿಗೆ ಸ್ಪೂರ್ತಿಯಾಗಿದೆ.
ಪಾಕ್ ಬ್ಯಾಟ್ಸ್ ಮನ್ ಫಕರ್ ಜಮಾನ್ ಅವರನ್ನು ಬುಮ್ರಾ ಔಟ್ ಮಾಡಿದ್ದರು. ಆದರೆ ಆ ಬಾಲ್ ನೋ ಬಾಲ್ ಆಗಿತ್ತು. ಭಾರತ ತಂಡದ ಡೆತ್ ಬೌಲರ್ ಸ್ಪೆಷಲಿಸ್ಟ್ ಎಂದೇ ಕರೆಯಿಸಿಕೊಳ್ಳುವ ಬುಮ್ರಾ ಮಾಡಿದ ಆ ಪ್ರಮಾದದಿಂದಾಗಿ ಪಾಕ್ ಯದ್ವಾ ತದ್ವಾ ರನ್ ಗುಡ್ಡೆ ಹಾಕಿತ್ತು.
ಇದೀಗ ಜೈಪುರ ಪೊಲೀಸರು ಅದೇ ನೋಬಾಲ್ ನ್ನು ತಮ್ಮ ಸಂಚಾರಿ ನಿಯಮ ಉಲ್ಲಂಘನೆ ಜಾಹೀರಾತಿಗೆ ಬಳಸಿದ್ದಾರೆ. ಗೆರೆ ದಾಟಬೇಡಿ. ಅದು ದುಬಾರಿಯಾಗಬಹುದು ಎಂದು ಬುಮ್ರಾ ನೋಬಾಲ್ ಫೋಟೋ ಹಾಗೂ ರಸ್ತೆ ಚಿತ್ರದ ಜತೆಗೆ ಅಡಿ ಬರಹವನ್ನೂ ಬರೆದಿದ್ದಾರೆ. ಹೇಗಿದೆ ಪೊಲೀಸರ ಈ ಐಡಿಯಾ?!
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
