ಇದೊಂದು ಅಪ್ರಾಪ್ತ ವಯಸ್ಕ ಬಾಲಕಿಯೊಬ್ಬಳ ಕರುಣಾಜನಕ ಕತೆಯಾಗಿದ್ದು, ಬಾಲಕಿಯ ಮೇಲೆ ಸುಮಾರು 6 ತಿಂಗಳವರೆಗೆ ಅತ್ಯಾಚಾರ ಮಾಡಿದ ವ್ಯಕ್ತಿಯೊಬ್ಬ ಬಳಿಕ ಬಲಪ್ರಯೋಗದಿಂದ ಗರ್ಭಪಾತ ಮಾಡಿಸಿ ಅವಳ ಭ್ರೂಣವನ್ನು ತೆಗೆಸಿಹಾಕಿದ್ದ.
ಈ ಬಾಲಕಿ ಪಾಲಿಥೀನ್ ಚೀಲವೊಂದರಲ್ಲಿ ಭ್ರೂಣವನ್ನು ಹಾಕಿಕೊಂಡು ಬುಲಂದ್‌ಶಹರ್ ಪೊಲೀಸ್ ಠಾಣೆಗೆ ಬಂದಾಗ ಪೊಲೀಸರು ಭ್ರೂಣವನ್ನು ನೋಡಿ ಆಘಾತಗೊಂಡರು. ರೇಪ್ ಮಾಡಿದ ವ್ಯಕ್ತಿಯ ವಿರುದ್ಧ ಪೊಲೀಸರಿಗೆ ದೂರು ನೀಡಿದ ಬಾಲಕಿ ತನಗೆ ಡೋಂಗಿ ವೈದ್ಯನೊಬ್ಬನಿಂದ ಗರ್ಭಪಾತ ಮಾಡಿಸಿದ್ದಾನೆಂದೂ ಆರೋಪಿಸಿದಳು.
ಆರೋಪಿ ಯುನುಸ್ ಅಹ್ಮದ್ ಬಾಲಕಿಯ ನೆರೆಮನೆಯವನಾಗಿದ್ದು ಬಾಲಕಿ ತಾನು ಹೊಟ್ಟೆನೋವಿನಿಂದ ಬಳಲುತ್ತಿರಬಹುದೆಂದು ಮೊದಲಿಗೆ ಎಣಿಸಿದ್ದಳು. ಬಳಿಕ ಗರ್ಭಿಣಿಯೆಂದು ತಿಳಿದು ಅವಳ ತಾಯಿ ಮತ್ತು ಸೋದರ ಆರೋಪಿಯ ಕುಟುಂಬದ ಜತೆ ಜಗಳವಾಡಿದರು. ಬಳಿಕ ಆರೋಪಿ ಬಲವಂತವಾಗಿ ನಕಲಿ ವೈದ್ಯರ ಬಳಿ ಬಾಲಕಿಯನ್ನು ಒಯ್ದು ಗರ್ಭಪಾತ ಮಾಡಿಸಿ ಭ್ರೂಣ ಹೊರತೆಗೆಸಿದ್ದನು. ಈ ಪ್ರಕರಣದಲ್ಲಿ ಎಫ್‌ಐಆರ್ ದಾಖಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
