ಅಯೋಧ್ಯೆ ವಿವಾದ ಇತ್ಯರ್ಥಕ್ಕೆ ಹಿಂದೂ, ಮುಸ್ಲಿಂ ನಾಯಕರ ಚರ್ಚೆ

ಬಾಬ್ರಿಮಸೀದಿ- ರಾಮ ಜನ್ಮಭೂಮಿ ವಿವಾದವನ್ನು ಸಂಧಾನ, ಶಾಂತಿಯುತದ ಮೂಲಕ ಇತ್ಯರ್ಥಗೊಳಿಸುವ ನಿಟ್ಟಿನಲ್ಲಿ ಹಿಂದೂ ಮತ್ತು ಮುಸ್ಲಿಂ ನಾಯಕರು ಇಂದು ಸಭೆ ಸೇರಿ ಚರ್ಚೆ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಆಲ್ ಇಂಡಿಯಾ ಆಕಾಡಾ ಪರಿಷತ್‌ನ ನೂತನ ಅಧ್ಯಕ್ಷ ಮಹಾಂತ ನರೇಂದ್ರ ಗಿರಿ, ಬಾಬ್ರಿ ಮಸೀದಿ ಪ್ರಕರಣದಲ್ಲಿ ಏಕೈಕ ದೂರದಾರರಾಗಿರುವ ಹಶೀಮ್ ಅನ್ಸಾರಿಯವರನ್ನು ಭೇಟಿ ಮಾಡಿ ಚರ್ಚೆ ನಡೆಸಿದ್ದಾರೆ ಎನ್ನಲಾಗಿದೆ.

ನರೇಂದ್ರ ಗಿರಿ ಮತ್ತು ಇತರ ಸಾಧು ಸಂತರು ಸುಮಾರು ಅರ್ಧ ಗಂಟೆ ಕಾಲ ಅನ್ಸಾರಿಯವರೊಂದಿಗೆ ಮಾತುಕಚೆ ನಡೆಸಿ ಸಂಧಾನ ಸೂತ್ರಕ್ಕಾಗಿ ಪ್ರಯತ್ನ ನಡೆಸಿದ್ದಾರೆ.

ಬಾಬ್ರಿ ಮಸೀದಿ ಮತ್ತು ರಾಮ ಜನ್ಮಭೂಮಿ ವಿವಾದವನ್ನು ನ್ಯಾಯಾಲಯದಿಂದ ಹೊರಗೆ ಸಂಧಾನ ಮತ್ತು ಶಾಂತಿಯ ಮೂಲಕ ಉಭಯ ಸಮುದಾಯಗಳಿಗೂ ಒಪ್ಪಿಗೆಯಾಗುವಂತಹ ಚರ್ಚೆಗೆ ನಡೆಸಲಾಗುತ್ತಿದೆ. ಸುಪ್ರೀಂಕೋರ್ಟ್ ಕೂಡಾ ಪ್ರತಿನಿತ್ಯ ಕೇಸ್ ವಿಚಾರಣೆಗೆ ತೆಗೆದುಕೊಂಡು ಶೀಘ್ರವೇ ತೀರ್ಪು ನೀಡಲಿ ಎಂದು ನರೇಂದ್ರ ಗಿರಿ ಹೇಳಿದ್ದಾರೆ.   

ಹಾಶೀಂ ಅನ್ಸಾರಿ ಮಾತನಾಡಿ, ಬಾಬ್ರಿ ಮಸೀದಿ ಮತ್ತು ರಾಮ ಜನ್ಮಭೂಮಿ ವಿವಾದವನ್ನು ಉಭಯ ಸಮುದಾಯಗಳಿಗೂ ಸಮ್ಮತವಾಗುವಂತಹ ರೀತಿಯಲ್ಲಿ ಪರಿಹರಿಸಬೇಕು ಎನ್ನುವುದೇ ನಮ್ಮೆಲ್ಲರ ಆಶಯವಾಗಿದೆ ಎಂದು ತಿಳಿಸಿದ್ದಾರೆ. 

ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.