ಮೋದಿ ದೇಶದ ಪ್ರಧಾನಿಯೇ ಹೊರತು ಸಾಮ್ರಾಟ ಅಲ್ಲ:,ಸೋನಿಯಾ

ಪ್ರಧಾನಮಂತ್ರಿ ನರೇಂದ್ರ ಮೋದಿ ದೇಶದ ಪ್ರಧಾನಿಯೇ ಹೊರತು ಸಾಮ್ರಾಟ ಅಲ್ಲ ಎಂದು ಕಾಂಗ್ರೆಸ್ ಪಕ್ಷದ ಅಧಿನಾಯಕಿ ಸೋನಿಯಾ ಗಾಂಧಿ ವಾಗ್ದಾಳಿ ನಡೆಸಿದ್ದಾರೆ.

ನಮ್ಮ ಕುಟುಂಬದ ವಿರುದ್ಧ ಪ್ರತಿನಿತ್ಯ ಸುಳ್ಳು ಆರೋಪಗಳನ್ನು ಮಾಡಲಾಗುತ್ತಿದೆ.ನಮ್ಮ ವಿರುದ್ಧದ ಎಲ್ಲಾ ಆರೋಪಗಳ ಬಗ್ಗೆ ತನಿಖೆಯಾಗಲಿ. ಆಗ ಸತ್ಯ ಸಂಗತಿ ಏನೆಂದು ಜನತೆಗೆ ತಿಳಿಯುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ನಮ್ಮ ವಿರುದ್ಧ ಮಾಡುತ್ತಿರುವ ಆರೋಪಗಳು ಪಿತೂರಿಗಳಾಗಿವೆ. ವಾದ್ರಾ ಲಂಡನ್‌ನಲ್ಲಿ ಯಾವುದೇ ಮನೆ ಖರೀದಿಸಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಶಸ್ತ್ರಾಸ್ತ್ರ ಖರೀದಿ ಮಧ್ಯವರ್ತಿ ಸಂಜಯ್ ಭಂಡಾರಿ ತಮ್ಮ ಸಹಾಯಕನಿಗೆ ಇ-ಮೇಲ್ ಮಾಡಿ, ಸೆಂಟ್ರಲ್‌ ಲಂಡನ್‌ನಲ್ಲಿ ಸೋನಿಯಾ ಗಾಂಧಿಯವರ ಅಳಿಯ ರಾಬರ್ಟ್ ವಾದ್ರಾ ಮನೆ ಖರೀದಿಸಿದ್ದಾರೆ ಎಂದು ಮಾಡಿರುವ ಇ-ಮೇಲ್ ಬಹಿರಂಗವಾಗಿದೆ

 ಸಂಜಯ್ ಭಂಡಾರಿ ಮಾಡಿರುವ ಆರೋಪವನ್ನು ರಾಬರ್ಟ್ ವಾದ್ರಾ ತಳ್ಳಿಹಾಕಿದ್ದು, ಲಂಡನ್‌ನಲ್ಲಿ ನನಗೆ ಯಾವುದೇ ಸ್ವಂತ ಮನೆಯಿಲ್ಲ ಎಂದು ಆರೋಪಗಳನ್ನು ತಳ್ಳಿಹಾಕಿದ್ದಾರೆ.

ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.