ವಿಜಯ್ ಮಲ್ಯ ಹಸ್ತಾಂತರ ಕೋರಿ ಬ್ರಿಟನ್ನಿಗೆ ಮನವಿ ಸಲ್ಲಿಸಿದ ಭಾರತ ಸರ್ಕಾರ

ಕೋಟ್ಯಂತರ ರೂಪಾಯಿ ಸಾಲ ಮಾಡಿ ಲಂಡನ್ನಿನಲ್ಲಿ ತಲೆಮರೆಸಿಕೊಂಡಿರುವ ಮದ್ಯ ದೊರೆ ವಿಜಯ್ ಮಲ್ಯ ಹಸ್ತಾಂತರಕ್ಕೆ ಕೋರಿ ಭಾರತ ಸರ್ಕಾರ, ಬ್ರಿಟನ್ ಸರ್ಕಾರಕ್ಕೆ ಮನವಿ ಸಲ್ಲಿಸಿದೆ.

 ಭಾರತದ ವಿದೇಶಾಂಗ ಇಲಾಖೆ ಸಿಬಿಐ ಮೂಲಕ ನವದೆಹಲಿಯಲ್ಲಿರುವ ಬ್ರಿಟನ್ ಹೈಕಮೀಷನರ್`ಗೆ ಮನವಿ ಪತ್ರವನ್ನ ಹಸ್ತಾಂತರಿಸಿದೆ. ವಿಚಾರಣೆಗಾಗಿ ವಿಜಯ್ ಮಲ್ಯರನ್ನ ಭಾರತಕ್ಕೆ ಹಸ್ತಾಂತರಿಸುವಂತೆ ಕೋರಲಾಗಿದೆ ಎಂದು ವಿದೇಶಾಂಗ ಇಲಾಖೆಯ ವಕ್ತಾರ ವಿಕಾಸ್ ಸ್ವರೂಪ್ ತಿಳಿಸಿದ್ದಾರೆ.

ಕಿಂಗ್ ಫಿಶರ್ ಸಂಸ್ಥೆಗಾಗಿ 9000 ಕೋಟಿಯಷ್ಟು ಸಾಲ ಮಾಡಿದ್ದ ವಿಜಯ್ ಮಲ್ಯ, ಸಾಲ ಮರುಪಾವತಿಸದೆ ಸುಸ್ತಿದಾರನಾಗಿದ್ದಾನೆ. ಈ ಕುರಿತಂತೆ ಕೇಸುಗಳ ದಾಖಲಾಗುತ್ತಿದ್ದಂತೆ ಮಾರ್ಚ್ 2016ರಲ್ಲೇ ಬ್ರಿಟನ್`ಗೆ ತೆರಳಿದ್ದರು. ಹಲವು ನೋಟಿಸ್ ಹೊರತಾಗಿಯೂ ಮಲ್ಯ ಜಾರಿ ನಿರ್ದೇಶನಾಲಯದ ಮುಂದೆ ವಿಚಾರಣೆಗೆ ಹಾಜರಾಗಿರಲಿಲ್ಲ.

`ಬ್ರಿಟನ್ ಸರ್ಕಾರದ ಜೊತೆ ನಾವು ಹಸ್ತಾಂತರ ಪ್ಪಂದ ಹೊಂದಿದ್ದೇವೆ. ವಿಜಯ್ ಮಲ್ಯ ವಿರುದ್ಧ ಕಾನೂನಾತ್ಮಕ ಪ್ರಕರವಿದೆ. ಉಳಿದದ್ದು ಬ್ರಿಟನ್ ಅಧಿಕಾರಿಗಳಿಗೆ ಬಿಟ್ಟ ವಿಚಾರ ಎಂದು ವಿಕಾಸ್ ಸ್ವರೂಪ್ ಹೇಳಿದ್ದಾರೆ.a