ಇದೇ ಮೊದಲ ಬಾರಿಗೆ ಕೇರಳಕ್ಕೆ ಮಹಿಳಾ ಪೊಲೀಸ್ ಮುಖ್ಯಸ್ಥೆ

ತಿರುವನಂತಪುರಂ: ಕೇರಳದಲ್ಲಿ ಇದೇ ಮೊದಲ ಬಾರಿಗೆ ಮಹಿಳೆಯೊಬ್ಬರು ಪೊಲೀಸ್ ಮುಖ್ಯಸ್ಥ ಹುದ್ದೆಗೇರುವ ಎಲ್ಲಾ ಸಾಧ್ಯತೆಗಳಿವೆ.

ಕೇರಳ ಪೊಲೀಸ್ ಮುಖ್ಯಸ್ಥರಾಗಿ ಇದುವರೆಗೆ ಮಹಿಳೆಯರು ಅಧಿಕಾರ ವಹಿಸಿಲ್ಲ. ಯುಪಿಎಸ್ ಸಿ ಸಮಿತಿ ಒಟ್ಟು ಮೂವರ ಹೆಸರನ್ನು ಶಿಫಾರಸ್ಸು ಮಾಡಿದ್ದು, ಆ ಪೈಕಿ ಅಗ್ನಿ ಶಾಮಕದ ದಳದ ಮುಖ್ಯಸ್ಥೆಯಾಗಿರುವ ಬಿ ಸಂದ್ಯಾ ಹೆಸರೂ ಸೇರ್ಪಡೆಯಾಗಿದೆ.

ಸಂದ್ಯಾ ಅಲ್ಲದೆ, ಸುದೇಶ್ ಕುಮಾರ್ ಎಂಬವರ ಹೆಸರಿದ್ದು, ಇವರಿಬ್ಬರೂ ಈಗಾಗಲೇ ಡಿಜಿಪಿ ಶ್ರೇಣಿಯ ಹುದ್ದೆಯಲ್ಲಿದ್ದಾರೆ. ಹಿರಿತನದ ಆಧಾರದಲ್ಲಿ ನೋಡಿದರೆ ಈಗ ಸಂದ್ಯಾ ಕೇರಳ ಪೊಲೀಸ್ ನ ವರಿಷ್ಠ ಹುದ್ದೆಗೇರುವ ಎಲ್ಲಾ ಲಕ್ಷಣಗಳಿವೆ.