ಪಶ್ಚಿಮ ಬಂಗಾಳ: ಕೋಲ್ಕತಾದ ಜವಹರ್ ಲಾಲ್ ನೆಹರು ರಸ್ತೆಯಲ್ಲಿರುವ ಜೀವನ್ ಸುಧಾ ವಾಣಿಜ್ಯ ಮಳಿಗೆಯಲ್ಲಿ ಆಕಸ್ಮಿಕ ಬೆಂಕಿ ಕಾಣಿಸಿಕೊಂಡಿದೆ.
ಬೆಳಗ್ಗೆ 10.20ರಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, 16 ಮತ್ತು 17ನೇ ಮಹಡಿಯಲ್ಲಿ ಬೆಂಕಿ ತನ್ನ ಕೆನ್ನಾಲಿಗೆ ಚಾಚಿದೆ. ಇದೇ ಮಹಡಿಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮಾರ್ಕೆಟಿಂಗ್ ಕಚೇರಿಯಿದೆ. ದೀಪಾವಳಿ ಹಬ್ಬವಿದ್ದ ಕಾರಣ ಕಚೇರಿಗೆ ರಜೆಯಿರುವ ಕಾರಣ ಕಚೇರಿಯಲ್ಲಿ ಯಾರು ಇರಲಿಲ್ಲ ಎನ್ನಲಾಗಿದೆ. ಯಾವುದೇ ಸಾವಿದೆ ಸಾವು ನೋವಿನ ವರದಿಯಾಗಿಲ್ಲ.
ಸ್ಥಳಕ್ಕೆ 10 ಅಗ್ನಿಶಾಮಕ ದಳದ ಸಿಬ್ಬಂದಿ ಆಗಮಿಸಿದ್ದು, ಬೆಂಕಿ ನಂದಿಸುವ ಕಾರ್ಯ ನಡೆಯುತ್ತಿದೆ. 19 ಮಹಡಿಯಿರುವ ಈ ಮಳಿಗೆಯಲ್ಲಿ ಎಸ್ ಬಿಐ ಮತ್ತು ಎಲ್ಐಸಿ ಕಚೇರಿ ಸೇರಿದಂತೆ ಹಲವು ಹಣಕಾಸು ಸಂಸ್ಥೆಗಳು ಕಾರ್ಯ ನಡೆಸುತ್ತಿದ್ದವು.
ಎಸ್ ಬಿಐ ಮುಖ್ಯ ಜನರಲ್ ಮ್ಯಾನೇಜರ್ ಪಿ.ಪಿ.ಸೇನ್ ಗುಪ್ತಾ ಮಾತನಾಡಿ, ಕಚೇರಿಯಲ್ಲಿ ಯಾರು ಸಿಲುಕಿಕೊಂಡಿಲ್ಲ ಎಂದು ಹೇಳಿದ್ದಾರೆ.