ಭರತನಾಟ್ಯ ಕಲಾವಿದನೋರ್ವ ವೇದಿಕೆಯಲ್ಲಿ ನೃತ್ಯ ಮಾಡುತ್ತಿದ್ದಾಗಲೇ ಕುಸಿದು ಬಿದ್ದು ಸಾವನ್ನಪ್ಪಿದ ಹೃದಯವಿದ್ರಾವಕ ಘಟನೆ ಕೇರಳದ ಕೊಲ್ಲಂನ ಪರವೂರಿನಲ್ಲಿ ನಡೆದಿದ್ದು, ಬಹಳ ತಡವಾಗಿ ಬೆಳಕಿಗೆ ಬಂದಿದೆ.
48 ವರ್ಷದ ಓಮನ್‌ಕುಟ್ಟನ್ ಮೃತ ನೃತ್ಯಗಾರನಾಗಿದ್ದಾನೆ. ತನ್ನ ಗುರು ಶಿವನ್ ಮಲ್ಯಾಂಕರಾ ಜತೆ ನೃತ್ಯ ಮಾಡುತ್ತಿದ್ದ ಅವರು ಸಡನ್ ಆಗಿ ಕುಸಿದು ಬಿದ್ದಿದ್ದಾರೆ. ಅವರು ಕೆಳಕ್ಕೆ ಬಿದ್ದಿದ್ದು ನೃತ್ಯದ ಒಂದು ಭಾಗ ಎಂದು ತಿಳಿದುಕೊಂಡ ಪ್ರೇಕ್ಷಕರು ತಕ್ಷಣಕ್ಕೆ ಅವರ ಸಹಾಯಕ್ಕೆ ಧಾವಿಸಿಲ್ಲ. ಆದರೆ ನಡೆದಿರುವುದೇನು ಎಂದು ಊಹಿಸಿದ ಸಹ ನೃತ್ಯಗಾರ್ತಿ ವೇದಿಕೆಯ ಮೂಲೆಗೆ ಸರಿದಿದ್ದಾರೆ. ಬಳಿಕ ಕರ್ಟನ್ ಇಳಿಬಿಟ್ಟು ಕುಟ್ಟನ್ ಸಹಾಯಕ್ಕೆ ಧಾವಿಸಲಾಗಿದೆ.
ಅಸ್ವಸ್ಥರನ್ನು ತಕ್ಷಣ ಖಾಸಗಿ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ಆದರೆ ಅವರು ಸಾವನ್ನಪ್ಪಿದ್ದಾರೆ ಎಂದು ವೈದ್ಯರು ಘೋಷಿಸಿದ್ದಾರೆ.
25ವರ್ಷದಿಂದ ನೃತ್ಯಗಾರರಾಗಿರುವ ಕುಟ್ಟನ್ ಇಲ್ಲಿಯವರೆಗೆ 400 ಪ್ರದರ್ಶನಗಳನ್ನು ನೀಡಿದ್ದಾರೆ ಎಂದು ತಿಳಿದು ಬಂದಿದೆ.
ನೃತ್ಯ ಮಾಡುತ್ತಲೇ ಕುಸಿದು ಬಿದ್ದು ಸಾವು ( ಶಾಕಿಂಗ್ ವಿಡಿಯೋ)
