ಬಿಜೆಪಿ ಸಂಸದನೊಬ್ಬನನ್ನ ಹನಿಟ್ರ್ಯಾಪ್ ಮಾಡಿ 5 ಕೋಟಿ ಹಣಕ್ಕೆ ಬೇಡಿಕೆ ಇಟ್ಟಿರುವ ಪ್ರಕರಣ ದೆಹಲಿಯಲ್ಲಿ ಬೆಳಕಿಗೆ ಬಂದಿದೆ. ನನಗೆ ಮತ್ತು ಬರುವ ಔಷಧ ತಿನಿಸಿ ಅಶ್ಲೀಲ ಭಂಗಿಗಳನ್ನ ಫೋಟೋ ತೆಗೆದು ಹಣಕ್ಕಾಗಿ ಬೇಡಿಕೆ ಇಟ್ಟಿದ್ದಾಳೆ ಎಂದು ಹೈಪ್ರೊಫೈಲ್ ಮಹಿಳೆಯೊಬ್ಬರ ಮೇಲೆ ಬಿಜೆಪಿ ಸಂಸದ ದೂರು ನೀಡಿದ್ದು, ಆಕೆಯ ಬಂಧನಕ್ಕೆ ಪೊಲೀಸರ ಬಲೆ ಬೀಸಿದ್ದಾರೆ.
ಸಂಸದನ ದೂರಿನ ಪ್ರಕಾರ, ಮಹಿಳೆ ಜೊತೆ ದುಷ್ಕರ್ಮಿಗಳ ತಂಡವೇ ಇದ್ದು, ಹಣ ನೀಡದೇ ಇದ್ದಲ್ಲಿ ಫೋಟೋ ಮತ್ತು ವಿಡಿಯೋಗಳನ್ನ ಬಹಿರಂಗಪಡಿಸಿ, ರೇಪ್ ಕೇಸ್ ದಾಖಲಿಸುವುದಾಗಿ ಬೆದರಿಕೆ ಹಾಕಿದೆಯಂತೆ. ಮೊದಲ ಆದ್ಯತೆ ಕೊಟ್ಟು ತನಿಖೆ ನಡೆಯುತ್ತಿದ್ದು, ಎಫೈಆರ್ ದಾಖಲಾಗಿದೆ. ಶೀಘ್ರವೇ ದುಷ್ಕರ್ಮಿಗಳನ್ನ ಬಂಧಿಸುವುದಾಗಿ ಕಮೀಷನರ್ ಮುಖೇಶ್ ಮೀನಾ ಹೇಳಿದ್ದಾರೆ.
ಘಟನೆ ನಡೆದಿದ್ದು ಹೇಗೆ..?: ಮಹಿಳೆ ನನ್ನ ಬಳಿ ಸಹಾಯ ಕೇಳಿದ್ದರು. ಗಾಜಿಯಾಬಾದ್ ಮನೆಗೆ ಬರ ಹೇಳಿದ್ದೆ. ಅಲ್ಲಿ ತಂಪು ಪಾನೀಯಕ್ಕೆ ಮತ್ತು ಬರುವ ಔಷಧ ಬೆರೆಸಿ ಬಳಿಕ ನನ್ನ ಪೋಟೋ, ವಿಡಿಯೋಗಳನ್ನ ತೆಗೆಯಲಾಗಿದೆ. 5 ಕೋಟಿ ಹಣ ಕೊಡದಿದ್ದರೆ ಬಹಿರಂಗಪಡಿಸುವುದಾಗಿ ಬೆದರಿಕೆ ಹಾಕಿದ್ದಾರೆಂದು ಆರೋಪಿಸಲಾಗಿದೆ.
