ಯೂನಿಫಾರ್ಮ್ ಶುಲ್ಕ ಪಾವತಿಸದ ಹಿನ್ನೆಲೆಯಲ್ಲಿ ಟೀಚರ್ ಬಡ ಹೆಣ್ಣುಮಕ್ಕಳ ಬಟ್ಟೆ ಬಿಚ್ಚಿಸಿ ಅಪಮಾನ ಎಸಗಿರುವ ಘಟನೆ ಬಿಹಾರ ರಾಜ್ಯದ ಬೆಗುಸರಾಯ್`ನಲ್ಲಿ ಬೆಳಕಿಗೆ ಬಂದಿದೆ.
ಲೇಡಿ ಟೀಚರ್`ನಿಂದ ಅಪಮಾನಕ್ಕೊಳಗಾದ ಇಬ್ಬರೂ ವಿದ್ಯಾರ್ಥಿನಿಯರು ಸಹೋದರಿಯರಾಗಿದ್ದು, ಬಡಕುಟುಂಬಕ್ಕೆ ಸೇರಿದವರಾಗಿದ್ದಾರೆ. ವಿದ್ಯಾರ್ಥಿನಿಯರ ತಂದೆ ನೀಡಿದ ದೂರಿನ ಮೇಲೆ ಶಿಕ್ಷಕಿ ಅಂಜನಾ ಕುಮಾರಿ ಮತ್ತು ಶಾಲಾ ನಿರ್ದೇಶಕ ಎನ್.ಕೆ. ಝಾನನ್ನ ಬಂಧಿಸಲಾಗಿದೆ. ಇಬ್ಬರನ್ನೂ ನ್ಯಾಯಾಲಯಕ್ಕೆ ಹಾಜರುಪಡಿಸಿ ನ್ಯಾಯಾಂಗ ಬಂಧನಕ್ಕೆ ಬಂಧಿಸಲಾಗಿದೆ.
ಶುಕ್ರವಾರ ಮಧ್ಯಾಹ್ನ 1 ಗಂಟೆಗೆ ಮಕ್ಕಳನ್ನ ಕರೆ ತರಲು ಶಾಲೆಗೆ ತೆರಳಿಸ್ದಾಗ ಶಿಕ್ಷಕರು ನಿಮ್ಮ ಜೊತೆ ಮಾತನಾಡಬೇಕಂತೆ ಎಂದು ನನ್ನ ಮಗಳು ಕರೆದೊಯ್ದಳು. ಶಾಲಾ ಯೂನಿಫಾರ್ಮ್ ಶುಲ್ಕ ಪಾವತಿಸುವಂತೆ ಕೇಳಿದರು. ಸ್ವಲ್ಪ ಸಮಯದಲ್ಲಿ ಪಾವತಿಸುವುದಾಗಿ ಹೇಳಿದರೂ ಕೇಳದ ಟೀಚರ್ ನನ್ನ ಮಕ್ಕಳ ಬಟ್ಟೆ ಬಿಚ್ಚಿ ಅರೆಬೆತ್ತಲಾಗಿಯೇ ಮನೆಗೆ ಕಳುಹಿಸಿದರು ಎಂದು ತಂದೆ ನೋವಿನಿಂದ ಹೇಳಿದ್ದಾರೆ.
