ಬೀದಿಯಲ್ಲಿ ಬೇಡುವುದಕ್ಕಿಂತ ಬಾರ್‌ನಲ್ಲಿ ಕುಣಿಯುವುದುತ್ತಮ: ಸುಪ್ರೀಂಕೋರ್ಟ್

ಡ್ಯಾನ್ಸ್ ಬಾರ್ ನಿರ್ಮಾಣದಲ್ಲಿ ಯಾವುದೇ ರೀತಿಯ ಅಡಚಣೆ ಮಾಡುವುದು ಸ್ವೀಕಾರಾರ್ಹವಲ್ಲ ಎಂದು ಮಹಾರಾಷ್ಟ್ರ ಸರ್ಕಾರಕ್ಕೆಸುಪ್ರೀಂ ಕೋರ್ಟ್ ಸ್ಪಷ್ಟ ಎಚ್ಚರಿಕೆಯ ಸಂದೇಶ ನೀಡಿದೆ. 

ಬೀದಿಯಲ್ಲಿ ಭಿಕ್ಷೆ ಬೇಡುವುದು, ಆಕ್ಷೇಪಾರ್ಹ ಚಟುವಟಿಕೆಗಳಲ್ಲಿ ತೊಡಗುವುದಕ್ಕಿಂತ ಬಾರ್‌ಗಳಲ್ಲಿ ನೃತ್ಯ ಮಾಡುವುದು ಎಷ್ಟೋ ಉತ್ತಮ ಎಂದು ಸುಪ್ರೀಂಕೋರ್ಟ್  ಹೇಳಿದೆ. 

ಇದು 2016, ನೃತ್ಯ ಸ್ಥಾಪಿತ ವೃತ್ತಿ. ಆದರೆ ಅಶ್ಲೀಲವಾದರೆ ತನ್ನ ಕಾನೂನು ಪಾವಿತ್ರ್ಯತೆ ಕಳೆದುಕೊಳ್ಳುತ್ತದೆ ಎಂದ ದೀಪಕ್ ಮಿಶ್ರಾ ಮತ್ತು ಶಿವ ಕಾರ್ತಿ ಸಿಂಗ್ ನೇತೃತ್ವದ ಪೀಠ, ಸರ್ಕಾರ ನೃತ್ಯಗಾರ್ತಿಯರಾಗಿ ಕೆಲಸ ಮಾಡುವ ಮಹಿಳೆಯರ ಗೌರವವನ್ನು ಕಾಪಾಡಬೇಕು. ಆದರೆ ಅವರ ಪ್ರದರ್ಶನದಲ್ಲಿ ಯಾವುದೇ ರೀತಿಯ ಅಸಭ್ಯತೆ ಇರದಂತೆ ನೋಡಿಕೊಳ್ಳಬೇಕು ಎಂದು ಹೇಳಿದ್ದಾರೆ. 

ಎರಡು ದಿನಗಳೊಳಗಾಗಿ ಬಾರ್ ನೌಕರರ ಕ್ರಿಮಿನಲ್ ಪೂರ್ವಚರಿತ್ರೆ ಪರಿಶೀಲಿಸಲು ಕೋರ್ಟ್ ರಾಜ್ಯ ಸರ್ಕಾರಕ್ಕೆ ನಿರ್ದೇಶಿಸಿದೆ.