ಥಂಡಾ ಥಂಡಾ ಕೂಲ್, ಕೂಲ್; ಘೋರೆ ಘೋರೆ ತೃಣಮೂಲ್: ಬೆಂಬಲಿಗರ ಘೋಷಣೆ

ಆಡಳಿತಾರೂಢ ಟಿಎಂಸಿ ಭರ್ಜರಿ ಜಯದತ್ತ ಸಾಗುತ್ತಿರುವುದನ್ನು ಚುನಾವಣೆ ಫಲಿತಾಂಶಗಳು ಸಾಬೀತು ಮಾಡಿದ ಕೂಡಲೇ ಮಮತಾ ಬ್ಯಾನರ್ಜಿ ಅಧಿಕೃತ ನಿವಾಸದ ಹೊರಗೆ ಸಂಭ್ರಮಾಚರಣೆ ಮುಗಿಲುಮುಟ್ಟಿತು.  ಪಶ್ಚಿಮ ಬಂಗಾಳದ 293 ಸೀಟುಗಳಿಗೆ ಮತಎಣಿಕೆ ಆರಂಭವಾದ ಕೆಲವು ಗಂಟೆಗಳಲ್ಲಿ ತೃಣಮೂಲ ಕಾಂಗ್ರೆಸ್ ಬಂಗಾಳದಲ್ಲಿ ಪುನಃ ಅಧಿಕಾರದ ಗದ್ದುಗೆಗೆ ಏರಿ ಮಮತಾ ಮತ್ತೆ ಮುಖ್ಯಮಂತ್ರಿಯಾಗುವುದು ಖಚಿತವಾಗಿದೆ. 

ನಿರೀಕ್ಷೆಯಂತೆ ತೃಣಮೂಲದ 199 ಅಭ್ಯರ್ಥಿಗಳು ಮುನ್ನಡೆ ಸಾಧಿಸಿದ್ದು, ಎಡಪಕ್ಷ ಮತ್ತು ಕಾಂಗ್ರೆಸ್ ಪಕ್ಷಗಳು ಕ್ರಮವಾಗಿ 37 ಮತ್ತು 41 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿವೆ. ಬಿಜೆಪಿ 12 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿವೆ.

ಉತ್ಸಾಹಿ ಬೆಂಬಲಿಗರು ಕಾಲಿಘಾಟ್ ನಿವಾಸದ ಹೊರಗೆ ಸೇರಿ ಮಮತಾ ಸಂಭವನೀಯ ಗೆಲುವನ್ನು ಆಚರಿಸಿದರು.  ಥಂಡಾ ಥಂಡಾ ಕೂಲ್, ಕೂಲ್; ಘೋರೆ ಘೋರೆ ತೃಣಮೂಲ್ ಘೋಷಣೆಗಳನ್ನು ಕೂಗಿದರು. 
ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.