ತಮ್ಮ ಸಮುದಾಯದವರಲ್ಲಿ ಗೋರಕ್ಷಣೆಗೆ ಕರೆ ನೀಡಿದ ಮುಸ್ಲಿಂ ಧರ್ಮಗುರು

ಹಿಂದುಗಳು ದೈವಸ್ವರೂಪಿ ಎಂದು ಪೂಜಿಲ್ಪಡುವ ಗೋವುಗಳನ್ನು ರಕ್ಷಿಸುವ ಮೂಲಕ ನೀವು ಮಾದರಿಯಾಗಬೇಕು ಎಂದು ಅಜ್ಮೀರ್‌‌ ದರ್ಗಾದ ಧಾರ್ಮಿಕ ಮುಖಂಡ ಜೈನುಲ್‌ ಅಬೆದಿನ್‌ ಅಲಿ ಖಾನ್ ಮುಸ್ಲಿಂ ಸಮುದಾದವರಲ್ಲಿ ಮನವಿ ಮಾಡಿಕೊಂಡಿದ್ದಾರೆ.

ಗೋಮಾಂಸ ವಿಚಾರವನ್ನು ಮುಂದಿಟ್ಟುಕೊಂಡು  ಹಿಂಸಾಚಾರಕ್ಕೆ ಪ್ರೇರೇಪಿಸುವವರು ಮೊದಲು ಅದಕ್ಕೆ ತಿಲಾಂಜಲಿ ನೀಡಬೇಕು ಎಂದಿರುವ ಅವರು ದೇಶದ ಹಿತದೃಷ್ಟಿಯಿಂದ ಹಿಂದು-ಮುಸ್ಲಿಂ ಸಮುದಾಯಗಳು ಸಾಮರಸ್ಯ ಹಾಗೂ ಐಕ್ಯತೆಯಿಂದ ಬದುಕಬೇಕು ಎಂದು ಅವರು ಕರೆ ನೀಡಿದ್ದಾರೆ.  

ಕೆಲವರು ಗೋಮಾಂಸ ವಿಚಾರವನ್ನು ಮುಂದಿಟ್ಟುಕೊಂಡು ಹಿಂದೂ ಮತ್ತು ಮುಸ್ಲಿಂ ಸಮುದಾಯಗಳ ನಡುವಿನ ಸಾಮರಸ್ಯವನ್ನು ಕದಡಲು ಪ್ರಯತ್ನಿಸುತ್ತಿದ್ದಾರೆ. ಗೋವು ಹಿಂದು ಧರ್ಮದ ಸಂಕೇತ . ಆದರೆ ಗೋಮಾಂಸ ಭಕ್ಷಣೆ ಕೋಮುವಾದದ ಹೊಸ ಅಸ್ತ್ರವಾಗಿ ಬಳಸಲ್ಪಡುತ್ತಿದ್ದು, ಇದು ದೇಶದ ಘನತೆಯ ಮೇಲೆ ಋಣಾತ್ಮಕ ಪರಿಣಾಮ ಬೀರಲಿದೆ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.

ಪ್ರವಾದಿ ಮೊಹಮ್ಮದರು ತಮ್ಮ ಉಪದೇಶದಲ್ಲಿ ಗೋಮಾಂಸ ಭಕ್ಷಣೆ ವಿರುದ್ಧ ಮಾತನಾಡಿದ್ದಾರೆ. ಸೂಫಿ ಸಂತರು ಮತ್ತು ನಮ್ಮ ಧರ್ಮದ ಇತರ ಧಾರ್ಮಿಕ ಮುಖಂಡರು ಗೋಮಾಂಸ ತಿಂದ ಬಗ್ಗೆ ಯಾವುದೇ ಸಾಕ್ಷ್ಯಗಳಿಲ್ಲ ಎಂದು ಖ್ವಾಜಾ ಮೊಯಿನುದ್ದೀನ್ ಚಿಸ್ತಿ ದೇವಾಲಯ ದೀವಾನ್ ಆದಿರುವ ಖಾನ್ ತಿಳಿಸಿದ್ದಾರೆ.