Air India plane crash: ವಿಮಾನ ಪತನಕ್ಕೆ ಇದೇ ಕಾರಣನಾ

ಅಹಮ್ಮದಾಬಾದ್: ಗುಜರಾತ್ ನ ಅಹಮ್ಮದಾಬಾದ್ ನಲ್ಲಿ ಏರ್ ಇಂಡಿಯಾ ವಿಮಾನ ದುರಂತಕ್ಕೆ ಕಾರಣವೇನೆಂಬುದರ ಬಗ್ಗೆ ಈಗ ಭಾರೀ ಚರ್ಚೆಯಾಗುತ್ತಿದೆ. ಇದರ ಬೆನ್ನಲ್ಲೇ ಈ ಐದು ಕಾರಣಗಳಿಗೆ ವಿಮಾನ ಪತನಗೊಂಡಿರಬಹುದಾ ಎಂದು ಅಂದಾಜಿಸಲಾಗುತ್ತಿದೆ.

ಕಾರಣ1
ವಿಮಾನ ಟೇಕ್ ಆಫ್ ಸಂದರ್ಭದಲ್ಲಿ ಪಕ್ಷಿ ಢಿಕ್ಕಿಯಾಗಿರುವ ಸಾಧ್ಯತೆಯಿದೆ. ಇದರಿಂದ ಟೇಕ್ ಆಫ್ ಪ್ರಕ್ರಿಯೆಗೆ ಸಮಸ್ಯೆಯಾಗಿರಬಹುದು. ಹಕ್ಕಿ ಪಡೆದು ವಿಮಾನದ ರೆಕ್ಕೆಗಳು, ಇಂಜಿನ್ ಗೆ ಹಾನಿಯಾಗಿರುವ ಸಾಧ್ಯತೆಯಿದೆ.

ಕಾರಣ2
ವಿಮಾನವನ್ನು ಕೇವಲ 825 ಅಡಿ ಮಾತ್ರ ಮೇಲೇರಿಸಲು ಸಾಧ್ಯವಾಗಿದೆ. ಅದಾದ ಬಳಿಕ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡು ಮೇಲೇರಿಸಲು ಸಾಧ್ಯವಾಗಿಲ್ಲ.

ಕಾರಣ 3
ವಿಮಾನವನ್ನು ಮೇಲೇರಿಸಲು ಪೈಲೆಟ್ ಗಳು ಸಾಕಷ್ಟು ಪ್ರಯತ್ನ ಪಟ್ಟಿದ್ದರು. ಆದರೆ ಅದು ಸಾಧ್ಯವಾಗಲಿಲ್ಲ. ಇನ್ನು, ವಿಮಾನದಲ್ಲಿದ್ದ ಇಂಧನ ಖಾಲಿ ಮಾಡುವಷ್ಟೂ ಸಮಯ ಸಿಗಲಿಲ್ಲ.

ಕಾರಣ4
ವಿಮಾನದ ಲ್ಯಾಂಡಿಂಗ್ ಗೇರ್ ಗಳು ತೆರೆದ ಸ್ಥಿತಿಯಲ್ಲೇ ಇತ್ತು. ಹೀಗಾಗಿ ಇದರಲ್ಲಿ ಸಮಸ್ಯೆಯಾಗಿ ವಿಮಾನ ಹಾರಾಟಕ್ಕೆ ಅಗತ್ಯವಾದ ಎತ್ತರ ಪಡೆಯಲು ಸಾಧ್ಯವಾಗದೇ ಇರಬಹುದು. ಲ್ಯಾಂಡಿಂಗ್ ಗೇರ್ ತೆರೆದ ಸ್ಥಿತಿಯಲ್ಲಿತ್ತು. ಹೀಗಿದ್ದಾಗ ಗಾಳಿಯ ಪ್ರತಿರೋಧ ಹೆಚ್ಚಾಗುತ್ತದೆ.

ಕಾರಣ5
ವಿಮಾನದಲ್ಲಿ 1,25 ಲಕ್ಷ ಲೀಟರ್ ಇಂಧನವಿತ್ತು. ಜೊತೆಗೆ 242 ಪ್ರಯಾಣಿಕರೂ ಇದ್ದರು. ಹೀಗಾಗಿ ಅತಿಯಾದ ಇಂಧನ ಮತ್ತು ಜನರ ಭಾರದಿಂದ ಅಪಘಾತ ಸಂಭವಿಸಿರಬಹುದು.