ಪಬ್ ಜಿನಲ್ಲಿ ಸೋತಿದ್ದಕ್ಕೆ ಗೆಳಯರಿಂದ ಅಪಹಾಸ್ಯ: ಬಾಲಕ ಆತ್ಮಹತ್ಯೆ

ಪಬ್ ಜಿ ಆಟದಲ್ಲಿ ಸೋತಿದ್ದಕ್ಕೆ ಗೆಳೆಯರು ಮಾಡಿದ ಅಪಹಾಸ್ಯದಿಂದ ಬೇಸತ್ತು 15 ವರ್ಷದ ಬಾಲಕ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಆಂಧ್ರಪ್ರದೇಶದ ಮಚಲಿಪಟ್ಟಣದಲ್ಲಿ ನಡೆದಿದೆ.

ಹಾಸ್ಟೇಲ್ ನಲ್ಲಿ ಓದುತ್ತಿದ್ದ ಬಾಲಕ ಬೇಸಿಗೆ ರಜೆಯನ್ನು ತಂದೆ ಹಾಗೂ ಕುಟುಂಬದವರ ಜೊತೆ ಕಳೆಯಲು ಊರಿಗೆ ಬಂದಿದ್ದ. ಈ ವೇಳೆ ಪಬ್ ಜಿ ಆಟದಲ್ಲಿ ಸೋತಿದ್ದಕ್ಕೆ ಗೆಳೆಯರು ಅಪಹಾಸ್ಯ ಮಾಡಿದ್ದರು ಎಂದು ತಿಳಿದು ಬಂದಿದೆ.

ಪತ್ನಿಯಿಂದ ದೂರವಾಗಿದ್ದ ತಂದೆಯ ಜೊತೆ ಮಗು ವಾಸವಾಗಿದ್ದ. ಈ ಹಿನ್ನೆಲೆಯಲ್ಲಿ ಮಗುವಿನ ಸಾವಿನ ಬಗ್ಗೆ ಅನುಮಾನ ಮೂಡಿದ್ದು, ಪೊಲೀಸರು ತನಿಖೆ ನಡೆಸಿದ್ದಾರೆ.