ಯೋಗ ಗುರು ಬಾಬಾ ರಾಮದೇವ್ ಆಸ್ತಿ 1152 ಕೋಟಿ ರೂ.!
ನವದೆಹಲಿ , ಸೋಮವಾರ, 28 ಫೆಬ್ರವರಿ 2011 (10:43 IST)
ಕಪ್ಪುಹಣದ ವಿರುದ್ಧ, ಭ್ರಷ್ಟಾಚಾರದ ವಿರುದ್ಧ ದೇಶವ್ಯಾಪಿ ಹೋರಾಟ ನಡೆಸುತ್ತಾ ಬಂದಿರುವ, ಇನ್ನೇನು ರಾಜಕೀಯ ಪಕ್ಷವೊಂದನ್ನು ಅಸ್ತಿತ್ವಕ್ಕೆ ತರುವ ಹವಣಿಕೆಯಲ್ಲಿರುವ ಯೋಗ ಗುರು ಬಾಬಾ ರಾಮದೇವ್ ಅವರೇ ಕಪ್ಪುಹಣದ ಸುಳಿಯಲ್ಲಿ ಸಿಲುಕುವ ಸಾಧ್ಯತೆಗಳು ಗೋಚರಿಸುತ್ತಿವೆ. ಅವರು ದೇಶ-ವಿದೇಶಗಳಲ್ಲಿ ಹೊಂದಿರುವ ಸಾವಿರಾರು ಕೋಟಿ ರೂಪಾಯಿ ಮೌಲ್ಯದ ಆಸ್ತಿಯ ಕುರಿತು ತನಿಖೆ ನಡೆಸಬೇಕು ಎಂಬ ಕೂಗುಗಳು ಕೇಳಿ ಬರುತ್ತಿವೆ.ವರದಿಗಳ ಪ್ರಕಾರ ರಾಮದೇವ್ (ಪತಂಜಲಿ ಯೋಗಪೀಠ) ಹೊಂದಿರುವ ಒಟ್ಟು ಆಸ್ತಿಯ ಮೌಲ್ಯ ಸುಮಾರು 1,152 ಕೋಟಿ ರೂಪಾಯಿಗಳು. ಇದರಲ್ಲಿ ಹರಿದ್ವಾರ ಸೇರಿದಂತೆ ದೇಶದ ವಿವಿಧೆಡೆ ರಾಮದೇವ್ ಹೊಂದಿರುವ ಆಶ್ರಮಗಳು, ವಿದೇಶಗಳಲ್ಲಿ ಹೊಂದಿರುವ ಆಸ್ತಿಗಳು ಸೇರಿವೆ. ಇವುಗಳಿಂದ ಹೊರತಾದ ಆಸ್ತಿಗಳು ಕೂಡ ಇರಬಹುದು. ಅವೆಲ್ಲವನ್ನೂ ತನಿಖೆ ನಡೆಸಬೇಕು ಎಂದು ಕಾಂಗ್ರೆಸ್ ಒತ್ತಾಯಿಸುತ್ತಿದೆ.(
ಮುಂದಿನ ಪುಟ ನೋಡಿ)
ಸಾವಿರ ಕೋಟಿ ಒಡೆಯ ಬಾಬಾ...'
ಸ್ಟಾರ್ ನ್ಯೂಸ್' ವಾರ್ತಾವಾಹಿನಿ ವರದಿಯ ಪ್ರಕಾರ ಬಾಬಾ ರಾಮದೇವ್ ಹೊಂದಿರುವ ಒಟ್ಟು ಆಸ್ತಿ 1,152 ಕೋಟಿ ರೂಪಾಯಿ.ಅವರು ಹರಿದ್ವಾರದಲ್ಲಿ 1,000 ಎಕರೆ ಜಮೀನು ಹೊಂದಿದ್ದಾರೆ. ಇದರ ಅಂದಾಜು ಮೌಲ್ಯ 300 ಕೋಟಿ ರೂ. ಸುಮಾರು 100 ಎಕರೆ ವಿಸ್ತಾರದಲ್ಲಿನ ಆಶ್ರಮವೀಗ 100 ಕೋಟಿ ತೂಗುತ್ತಿದೆ.ಹರಿದ್ವಾರದಲ್ಲೇ ರಾಮದೇವ್ ನಿರ್ಮಿಸಿರುವ ಫುಡ್ ಪಾರ್ಕ್ಗೆ 500 ಕೋಟಿ ವೆಚ್ಚ ಮಾಡಲಾಗಿದೆ. ಅಲ್ಲೇ ಪಕ್ಕದಲ್ಲಿ 25 ಕೋಟಿ ರೂಪಾಯಿಗಳ ಬೃಹತ್ ಕಟ್ಟಡವೊಂದಿದೆ.ಹಿಮಾಚಲ ಪ್ರದೇಶದ ಸೋಲನ್ನಲ್ಲಿ 20 ಕೋಟಿ ಬೆಲೆ ಬಾಳುವ 96 ಎಕರೆ ಜಮೀನು ಹೊಂದಿದ್ದಾರೆ. ವಿದೇಶಗಳ ಲೆಕ್ಕಾಚಾರಕ್ಕೆ ಹೋಗುವುದಾದರೆ, ಸ್ಕಾಟ್ಲೆಂಡಿನಲ್ಲಿ 14 ಕೋಟಿ ರೂಪಾಯಿ ಮೌಲ್ಯದ 750 ಎಕರೆ ಜಮೀನು ರಾಮದೇವ್ ಒಡೆತನದಲ್ಲಿದೆ. ಅಮೆರಿಕಾದ ಹೌಸ್ಟನ್ನಲ್ಲಿ 99 ಎಕರೆ ಜಮೀನಿದೆ. ಇದರ ರೇಟು ಈಗಿನ ಲೆಕ್ಕದಲ್ಲಿ 98 ಕೋಟಿ ರೂಪಾಯಿಗಳು.(
ಮುಂದಿನ ಪುಟ ನೋಡಿ)