ಹಳ್ಳಿಗಳ ಕಡೆ ಹೋಗೋದಕ್ಕೆ ನಿಮಗೇನು ದಾಡಿ: ಅಧಿಕಾರಿಗಳ ವಿರುದ್ಧ ಸಿಎಂ ಗರಂ

ಗ್ರಾಮಗಳಲ್ಲಿ ರಸ್ತೆಯಿದೆ, ಕಾರು ಇದೆ, ಕಾರಲ್ಲಿ ಎಸಿಯಿದ್ದರೂ ಹಳ್ಳಿಗಳ ಕಡೆ ಹೋಗೋದಕ್ಕೆ ನಿಮಗೇನು ದಾಡಿ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅಧಿಕಾರಿಗಳ ವಿರುದ್ದ ಗರಂ ಆಗಿದ್ದಾರೆ. 

ಕಲ್ಲಿನ ಗೋಡೆಗಳು ಮದ್ದೆ ಎಸಿ ರೂಮಿನಲ್ಲಿ ಕೂಡಬೇಡಿ ಎಸಿ ರೂಮಿನಿಂದ ಹೊರಬಂದು ಗ್ರಾಮ ಗ್ರಾಮಗಳಿಗೆ ಭೇಟಿ ನೀಡಿ ಸರಕಾರದ ಯೋಜನೆಗಳನ್ನು ಮನೆ ಮನೆಗೆ ತಲುಪಿಸಿ ಎಂದು ಗುಡುಗಿದ್ದಾರೆ.   

ಬ್ರಿಟಿಷರ ಕಾಲದಲ್ಲಿ ಅಮುಲದಾರರು ಎನ್ನುವವರಿದ್ದರು. ಕುದುರೆ ಮೇಲೆ ಹೋಗಿ ಜನರ ಯೋಗಕ್ಷೇಮ ವಿಚಾರಿಸಿಕೊಳ್ಳುತ್ತಿದ್ದರು. ನಿಮಗೆ ಎಸಿ ಕಾರಿದ್ದರೂ ಕೂಡಾ ಜನರ ಯೋಗ ಕ್ಷೇಮ ವಿಚಾರಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಕಿಡಿಕಾರಿದ್ದಾರೆ.

ನೀವು ಕೆಲಸ ಮಾಡದಿದ್ದರಿಂದ ಅದರ ಬಿಸಿ ಚುನಾವಣೆಯಲ್ಲಿ ನಮಗೆ ತಟ್ಟುತ್ತದೆ. ಜನರಿಗಾಗಿ ಸರಕಾರ ಅನೇಕ ಯೋಜನೆಗಳನ್ನು ರೂಪಿಸಿದೆ. ಯೋಜನೆಗಳಿಗೆ ಅಧಿಕಾರಿಗಳೇ ಕೊಕ್ಕೆ ಹಾಕುತ್ತಾರೆ ಎನ್ನುವ ಟೀಕೆಯಿದೆ. ಅಂತಹ ಆರೋಪಿಗಳನ್ನು ದೂರ ಮಾಡಿ ಜನಪರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಿ ಎಂದು ಸಲಹೆ ನೀಡಿದರು.

ಜಿಲ್ಲೆಯ ಯಾವುದೇ ಸಮಸ್ಯೆಗಳಿಗೆ ಡಿಸಿಗಳು ನೇರ ಹೊಣೆಯಾಗಿರುತ್ತಾರೆ. ಜಿಲ್ಲಾಧಿಕಾರಿಗಳು ಮುಂಬರುವ ದಿನಗಳಲ್ಲಿ ತಮ್ಮ ಎಂದಿನಂತೆ ಆಲಸ್ಯವನ್ನು ತೋರಿದಲ್ಲಿ ಕಠಿಣ ಕ್ರಮ ತೆಗೆದುಕೊಳ್ಳುವುದಾಗಿ ಸಿಎಂ ಸಿದ್ದರಾಮಯ್ಯ ಎಚ್ಚರಿಕೆ ನೀಡಿದ್ದಾರೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.