ಸೆಟ್‌ನಲ್ಲಿ ರಶ್ಮಿಕಾ ನಡವಳಿಕೆಗೆ ಫಿದಾ ಆದ ವಿಕ್ಕಿ ಕೌಶಲ್, ಹೇಳಿದ್ದೇನು

Photo Courtesy X

ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ತನ್ನ ಸರಳತೆ ಮೂಲಕ ನ್ಯಾಶನಲ್ ಕ್ರಶ್ ಆಗಿ, ಇಂದು ಭಾರತ ಚಿತ್ರರಂಗದಲ್ಲಿ ಬಹುಬೇಡಿಕೆಯ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ಇದೀಗ ರಶ್ಮಿಕಾ ನಡವಳಿಕೆ ಬಗ್ಗೆ ಬಾಲಿವುಡ್ ನಟ ವಿಕ್ಕಿ ಕೌಶಲ್ ಅವರು ಕೊಂಡಾಡಿದ್ದಾರೆ.

ಈಚೆಗೆ ನಡೆದ ಸಂದರ್ಶನವೊಂದಲ್ಲಿ ವಿಕ್ಕಿ ಕೌಶಲ್ ಅವರು ರಶ್ಮಿಕಾ ಮಂದಣ್ಣ ಅವರ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಹಂಚಿಕೊಂಡರು. ವೀಡಿಯೊ ಸಂದೇಶದ ಮೂಲಕ ಅವರ ಸಂತೋಷಕರ ಆಶ್ಚರ್ಯವನ್ನು ವಿವರಿಸಿದರು. ಇವರಿಬ್ಬರು ಮುಂಬರುವ ಸಿನಿಮಾದಲ್ಲಿ  ಒಟ್ಟಾಗಿ ನಟಿಸುತ್ತಿದ್ದು, ಶೂಟಿಂಗ್ ವೇಳೆ ರಶ್ಮಿಕಾ ಅವರು ಧನಾತ್ಮಕ ಉಪಸ್ಥಿತಿ ಎಲ್ಲರನ್ನೂ ಖುಷಿಯಾಗಿರಿಸುತ್ತದೆ ಎಂದರು.

ತನ್ನ ನಗುವಿನೊಂದಿಗೆ ಎಲ್ಲರನ್ನೂ ಖುಷಿಯಾಗಿಡಲು ಪ್ರಯತ್ನಿಸುವ ರಶ್ಮಿಕಾ ಮಂದಣ್ಣ ಅವರು ಮನರಂಜನಾ ಜಗತ್ತಿನಲ್ಲಿ ತುಂಬಾನೇ ಒಳ್ಳೆಯ ಹೆಸರನ್ನು ಗಳಿಸಿದ್ದಾರೆ. ತಮ್ಮ ನಟನೆಯ ಮೂಲಕ ಇದೀಗ ಬಾಲಿವುಡ್ ಅಂಗಳದಲ್ಲಿ ಭಾರೀ ಬೇಡಿಕೆ ಪಡೆದುಕೊಂಡಿರುವ ರಶ್ಮಿಕಾ ಮಂದಣ್ಣ ಅವರು ತಮ್ಮ ಅಭಿಮಾನಿಗಳೊಂದಿಗೆ ಯಾವಾಗಲೂ ಖುಷಿಯಿಂದಲೇ ನಡೆಸಿಕೊಳ್ಳುತ್ತಾರೆ.

ರಶ್ಮಿಕಾ ಅವರು ಸಾರ್ವಜನಿಕವಾಗಿ ನಡೆದುಕೊಳ್ಳುವ ರೀತಿಗೆ ಅನೇಕ ಮಂದಿ ಫಿದಾ ಆಗಿದ್ದಾರೆ. ಇನ್ನೂ ರಶ್ಮಿಕಾ ಅವರು ಸೆಟ್‌ನಲ್ಲಿ ಇರುವ ರೀತಿಗೆ ಇದೀಗ ವಿಕ್ಕಿ ಕೌಶಲ್ ಅವರು ಮೆಚ್ಚಿಕೊಂಡಿದ್ದಾರೆ.