ಬೆಂಗಳೂರು: ಯಲಹಂಕಾ ಏರೋ ಇಂಡಿಯಾ ಶೋ ಕಾರ್ಯಕ್ರಮದಲ್ಲಿ ಅಮೆರಿಕ ಸಹಭಾಗಿತ್ವದ ಕಾರ್ಯಕ್ರಮವನ್ನು ವ್ಯವಸ್ಥಿತವಾಗಿ ಆಯೋಜಿಸಿರುವುದಕ್ಕೆ ಧನ್ಯವಾದಗಳು ಎಂದು ಅಮೆರಿಕದ ಮುಖ್ಯ ರಾಯಭಾರಿ ಮೇರಿಕೇ ಕಾರ್ಲ್ಸನ್ ಹೇಳಿದ್ದಾರೆ.
ಯಲಹಂಕಾ ಏರ್‌ಶೋ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಅಮೆರಿಕದ ಅಧಿಕೃತ ನಿಯೋಗದ ಕೈಗಾರಿಕೋದ್ಯಮಿಗಳು, ವಿಶ್ವದ ಇತರ ದೇಶಗಳಿಂದ ಆಗಮಿಸಿರುವ ಪ್ರಾಯೋಜಕರು, ಸೇನಾಧಿಕಾರಿಗಳು, ಸರಕಾರಿ ಅಧಿಕಾರಿಗಳು ಮತ್ತು ಖಾಸಗಿ ರಕ್ಷಣಾ ಇಲಾಖೆಯ ಗುತ್ತಿಗೆದಾರರು ಏರೋ ಇಂಡಿಯಾ 2017 ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿರುವುದಕ್ಕೆ ಸಂತಸವಾಗಿದೆ ಎಂದು ಅಮೆರಿಕದ ಮುಖ್ಯ ರಾಯಭಾರಿ ಮೇರಿಕೇ ಕಾರ್ಲ್ಸನ್ ಎಂದು ತಿಳಿಸಿದ್ದಾರೆ.
ಈಗಾಗಲೇ ಅಮೆರಿಕ ಸಹಭಾಗಿತ್ವ ಕುರಿತಂತೆ ಕೇಂದ್ರ ರಕ್ಷಣಾ ಖಾತೆ ಸಚಿವ ಮನೋಹರ್ ಪರಿಕ್ಕರ್ ಸ್ಪೂರ್ತಿದಾಯಕ ಸಂದೇಶಗಳನ್ನು ರವಾನಿಸಿದ್ದು, ಕೆಲ ವೇದಿಕೆಗಳಲ್ಲಿ ಅದರ ಪ್ರಭಾವವನ್ನು ಕಾಣಬಹುದಾಗಿದೆ ಎಂದು ಹರ್ಷ ವ್ಯಕ್ತಪಡಿಸಿದರು.
ಅಮೆರಿಕ ಮತ್ತು ಭಾರತದ ರಕ್ಷಣಾ ಇಲಾಖೆಯ ಸಂಬಂಧಗಳು ಸದಾ ಉತ್ತಮವಾಗಿವೆ. ಉಭಯ ದೇಶಗಳ ನಡುವಣ ರಕ್ಷಣಾ ವಹಿವಾಟು 15 ಬಿಲಿಯನ್ ಡಾಲರ್‌ಗಳಿಗೆ ತಲುಪಿದೆ ಎಂದರು.
2017ರ ರಾಷ್ಟ್ರೀಯ ರಕ್ಷಣಾ ಅಧಿಕೃತ ಕಾಯ್ದೆ ಮತ್ತು ರಕ್ಷಣಾ ಕ್ಷೇತ್ರದ ತಂತ್ರಜ್ಞಾನ ಅಭಿವೃದ್ಧಿ ಹಾಗೂ ವಹಿವಾಟಿನಲ್ಲಿ ನಿರಂತರ ಚೇತರಿಕೆಯಿಂದಾಗಿ ಭಾರತ ಅಮೆರಿಕ ಬಾಂಧವ್ಯದ ಮೇಲೆ ಸಕಾರಾತ್ಮಕ ಪ್ರಭಾವ ಬೀರಿದೆ ಎಂದು ಹೇಳಿದರು.
ಸರಕು ಸಾಗಾಣೆ ರಫ್ತು ಮತ್ತು ತಂತ್ರಜ್ಞಾನ ಕ್ಷೇತ್ರದ ಅಭಿವೃದ್ಧಿ ಆಧಾರದ ಮೇಲೆ ಪ್ರಮುಖ ರಕ್ಷಣಾ ಕ್ಷೇತ್ರದ ಪಾಲುದಾರ ದರ್ಜೆಯನ್ನು ನೀಡಲಾಗುತ್ತಿದೆ. ಒಂದು ವೇಳೆ, ಭಾರತ ರಕ್ಷಣಾ ಕ್ಷೇತ್ರದಲ್ಲಿ ಕಠಿಣ ಪರಿಶ್ರಮ ತೋರದಿದ್ದಲ್ಲಿ ಇವತ್ತು ಅಮೆರಿಕದ ಪ್ರಮುಖ ರಕ್ಷಣಾ ಕ್ಷೇತ್ರದ ಪಾಲುದಾರ ದೇಶ ಎನ್ನುವ ಗೌರವಕ್ಕೆ ಭಾಜನವಾಗುತ್ತಿರಲಿಲ್ಲ ಎಂದು ಹೊಗಳಿದರು.
ಭಾರತದೊಂದಿಗಿರುವ ಕೆಲ ಮಹತ್ವದ ಯುದ್ಧಾವಶ್ಯಕವಾದ ಸಂಬಂಧಗಳು ಅಮೆರಿಕ ದೇಶಕ್ಕೆ ಮಹತ್ವದ್ದಾಗಿವೆ. ನಮ್ಮ ನಾಗರಿಕರು ಮತ್ತು ಜಾಗತಿಕ ಸಮುದಾಯದ ಜೀವನದ ಉತ್ತಮ ಮತ್ತು ಗಾಢವಾಗುತ್ತವೆ ನಮ್ಮ ಪಾಲುದಾರಿಕೆಯ ಮತ್ತಷ್ಟು ಆಳವಾಗಿಸಿರುವುದು ಕೆಲಸದಲ್ಲಿರುವ ನಮ್ಮ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ. ಅಮೆರಿಕಾದ ರಕ್ಷಣಾ ಉದ್ಯಮ ಉತ್ತಮ ಗುಣಮಟ್ಟದ, ಅವಲಂಬನೆಯ ಮತ್ತು ಅತ್ಯಂತ ತಾಂತ್ರಿಕವಾಗಿ ಮುಂದುವರೆದ ಸಲಕರಣೆಗಳು ಒದಗಿಸುವುದು ಮುಂದುವರಿಸುತ್ತದೆ ಎಂದರು.
ಅಮೇರಿಕಾದ 20ಕ್ಕೂ ಹೆಚ್ಚು ಕಂಪನಿಗಳು ಈ ವರ್ಷ ಪ್ರದರ್ಶನದಲ್ಲಿ ಪಾಲ್ಗೊಂಡಿವೆ ಎನ್ನುವುದಕ್ಕೆ ನನಗೆ ಸಂತೋಷವಾಗಿದೆ. ಈ ಕಂಪನಿಗಳು ಹಲವು ವರ್ಷಗಳಿಂದ ಭಾರತದೊಂದಿಗೆ ಕಾರ್ಯನಿರ್ವಹಿಸುತ್ತಿವೆ.ಕೆಲ ಕಂಪೆನಿಗಳು ಭಾರತೀಯ ಮಾರುಕಟ್ಟೆಗೆ ಹೊಸದಾಗಿ ಪ್ರವೇಶಿಸಿವೆ, ಪ್ರದರ್ಶನದಲ್ಲಿ ಪಾಲ್ಗೊಂಡ ಕಂಪೆನಿಗಳು ಭಾರತೀಯ ರಕ್ಷಣಾ ಕ್ಷೇತ್ರದಲ್ಲಿ ಪಾಲುದಾರರಾಗಿ ಪರಿಹಾರಗಳನ್ನು, ಸ್ಫೂರ್ತಿ ಮತ್ತು ಭವಿಷ್ಯದ ಪಾಲುದಾರರಾಗುತ್ತವೆ ಎನ್ನುವ ನಂಬಿಕೆ ನನಗಿದೆ ಎಂದು ತಿಳಿಸಿದ್ದಾರೆ.
ಉತ್ಪಾದಕ ಮತ್ತು ವೈಮಾನಿಕ ತಂತ್ರಜ್ಞಾನ ಮತ್ತು ಸಹ-ಅಭಿವೃದ್ಧಿ ಅತ್ಯಾಧುನಿಕ ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ಅಮೇರಿಕಾ ಮತ್ತು ಭಾರತೀಯ ಕಂಪನಿಗಳು ನಿರಂತರವಾಗಿ ಸಹಭಾಗಿತ್ವ ಒಪ್ಪಂದಕ್ಕೆ ಸಹಿ ಹಾಕುತ್ತಿರುವುದಕ್ಕೆ ಹೆಮ್ಮೆಯಾಗಿದೆ. ಇಂತಹ ಪಾಲುದಾರಿಕೆಗಳು ಭಾರತ ಮತ್ತು ಅಮೆರಿಕದಲ್ಲಿ ನವೀನ ಪರಿಹಾರಗಳು ಮತ್ತು ಸಾವಿರಾರು ಉದ್ಯೋಗಗಳ ಸೃಷ್ಟಿಗೆ ಕಾರಣವಾಗುತ್ತವೆ ಎಂದು ಹೇಳಿದರು.
ಏರೋ ಇಂಡಿಯಾ 2017 ಕಾರ್ಯಕ್ರಮದಲ್ಲಿ ಅಮೆರಿಕ ಪ್ರದರ್ಶಕರು ಮತ್ತು ಅಮೆರಿಕ ಸರಕಾರದ ಪ್ರತಿನಿಧಿಯಾಗಿ ಉಪಸ್ಥಿತರಿರುವುದಕ್ಕೆ ಹರ್ಷವಾಗಿದೆ. ಏರೋ ಇಂಡಿಯಾ 2017 ತೆರೆದ ಅಮೇರಿಕಾ ಸಹಭಾಗಿತ್ವ ಪೆವಿಲಿಯನ್ ಘೋಷಿಸಲು ನನಗೆ ಅತೀವ ಸಂತೋಷ ಆಗಿದೆ. ಮುಂಬರುವ ವರ್ಷಗಳಲ್ಲಿ ಕೂಡಾ ಏರೋ ಶೋ ಕಾರ್ಯಕ್ರಮ ಯಶಸ್ವಿಯಾಗಲಿ ಎಂದು ಹಾರೈಸುವುದಾಗಿ ಅಮೆರಿಕದ ಮುಖ್ಯ ರಾಯಭಾರಿ ಮೇರಿಕೇ ಕಾರ್ಲ್ಸನ್ ತಿಳಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
