ಇವ್ರು ಪ್ರಾಣಿಗಳ ಎಲುಬಿನಿಂದ ಡಾಲ್ಡ ತಯಾರಿಸ್ತಿದ್ರು..!

ಕಲಬುರಗಿ: ಕೆಲವು ಆಹಾರ ಪದಾರ್ಥ ಕಲಬೆರಕೆ ಎನ್ನುವ ಮಾತನ್ನು ಅಲ್ಲಲ್ಲಿ ಕೇಳಿದ್ದೇವೆ‌. ಅದರಲ್ಲಿ ವನಸ್ಪತಿ(ಡಾಲ್ಡ) ಪ್ಯೂರ್ ವೆಜ್ ಅಂದುಕೊಂಡರೆ ನಿಮ್ಮ ನಂಬಿಕೆ ತಪ್ಪು. ಯಾಕೆಂದರೆ, ಅದನ್ನು ಪ್ರಾಣಿಗಳ ಎಲುಬಿನಿಂದಲೂ ತಯಾರಿಸುತ್ತಾರೆ.

ಇಂತಹದ್ದೊಂದು ಪ್ರಕರಣ ಕಲಬುರಗಿ ಜಿಲ್ಲೆಯ ಆಳಂದ ತಾಲೂಕಿನ ಜವಳಗಾ ಗ್ರಾಮದ ಹೊರವಲಯದಲ್ಲಿ ಬೆಳಕಿಗೆ ಬಂದಿದೆ. ಪ್ರಾಣಿಗಳ ಎಲುಬಿನಿಂದ ಡಾಲ್ಡಾ ತಯಾರಿಸುತ್ತಿದ್ದಾರೆ ಎನ್ನುವ ಖಚಿತ ಮಾಹಿತಿ ಮೇರೆಗೆ, ಅಲ್ಲಿಯ ಘಟಕದ ಮೇಲೆ ದಾಳಿ ನಡೆಸಿದ ಪೊಲೀಸರು ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಅಲ್ಲದೆ, ಡಾಲ್ಡ ಮಾಡಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ಹಾಗೂ ಅಪಾರ ಪ್ರಮಾಣದ ನಾನ್'ವೆಜ್ ಡಾಲ್ಡಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸಂಬಂಧಿಸಿ ನರೋಣಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು ತನಿಖೆ ಮುಂದುವರಿದಿದೆ. ಜವಳಗಾ ಗ್ರಾಮದ ಹೊರ ವಲಯದಲ್ಲಿ ನಾಲ್ಕೈದು ತಿಂಗಳ ಹಿಂದಿನಿಂದಲೇ ಪ್ರಾಣಿಗಳ ಎಲುಬು ಬಳಸಿ ಡಾಲ್ಡ ತಯಾರಿಸುವವರು ಬೀಡು ಬಿಟ್ಟಿದ್ದರು ಎನ್ನಲಾಗುತ್ತಿದೆ. ಅಪಾರ ಪ್ರಮಾಣದ ನಾನ್'ವೆಜ್ ಡಾಲ್ಡಗಳನ್ನು ತಯಾರಿಸಿ ಹೈದರಾಬಾದ ಹಾಗೂ ಕರ್ನಾಟಕದ ವಿವಿಧ ಭಾಗಗಳಿಗೆ ಸರಬರಾಹಲಜು ಮಾಡಿದ್ದಾರೆ ಎನ್ನುವ ಮಾತು ಕೇಳಿ ಬರುತ್ತಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ