ಬೆಂಗಳೂರು : ಬಾಲಕನೊಬ್ಬ 112 ಸಹಾಯವಾಣಿಗೆ ಮಾಡಿದ ಕರೆಯನ್ನು ಆಧರಿಸಿ ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ಬೇಸ್ತು ಬಿದ್ದಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ತನ್ನನ್ನು ತನ್ನ ಗೆಳೆಯರು ಆಟಕ್ಕೆ ಸೇರಿಸಿಕೊಂಡಿಲ್ಲ ಎಂದು ಆರೋಪಿಸಿ ಬಾಲಕ ಪೊಲೀಸರಿಗೆ ಫೋನ್ ಮಾಡಿದ್ದಾನೆ.
ಪುಟಾಣಿ ಬಾಲಕರೆಲ್ಲರೂ ಹತ್ತು ವರ್ಷಕ್ಕಿಂತ ಒಳಪಟ್ಟವರಾಗಿದ್ದು ಪೊಲೀಸರು ಈ ಘಟನೆಯ ಗಂಭೀರತೆಯನ್ನು ನೋಡಿ ನಕ್ಕು ಸುಸ್ತಾಗಿದ್ದಾರೆ. ಕೊನೆಗೆ ಪುಟಾಣಿ ಬಾಲಕರಿಗೆ ಬುದ್ದಿ ಮಾತು ಹೇಳಿರುವ ಪೊಲೀಸರು ಬಾಲಕನನ್ನೂ ಆಟಕ್ಕೆ ಸೇರಿಸಿಕೊಳ್ಳುವಂತೆ ಮನವೊಲಿಸಿ ಸ್ಥಳದಿಂದ ತೆರಳಿದ್ದಾರೆ. ಈ ಘಟನೆ ಯಾವ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ ಎಂದು ಇನ್ನೂ ತಿಳಿದುಬಂದಿಲ್ಲ. ಆದರೆ 112 ಸಹಾಯವಾಣಿಯ ಉಪಯೋಗ ಪಡೆದಿರುವ ಮಕ್ಕಳ ವಿಡಿಯೋ ಎಲ್ಲೆಡೆ ವೈರಲ್‌ ಆಗಿದೆ.