ಯುವತಿಯರನ್ನು ಚುಡಾಯಿಸುತ್ತಿದ್ದವರು ಅಂದರ್!

ಯುವತಿಯರನ್ನು ಬೀದಿಗಳಲ್ಲಿ ಚುಡಾಯಿಸುತ್ತಿದ್ದ ನಾಲ್ವರು ರೋಡ್ ರೋಮಿಯೋಗಳನ್ನು ಪೊಲೀಸರು ಬಂಧನ ಮಾಡಿದ್ದಾರೆ.

ಬೀದಿಗಳಲ್ಲಿ ಯುವತಿಯರನ್ನು ಚುಡಾಯಿಸುತ್ತಿದ್ದ ನಾಲ್ವರು ಆರೋಪಿಗಳನ್ನು ಬೆಂಡಿಗೇರಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಹುಬ್ಬಳ್ಳಿಯ ಮಂಟೂರು ರಸ್ತೆಯ ಹರಿಶ್ಚಂದ್ರ ಕಾಲೋನಿ ನಿವಾಸಿಗಳಾದ ಅಮೀರ ಬಜರುಖ್ ಸಾಬ ಬೇಟಗೇರಿ, ಅಸ್ಪಾಕ್ ಮದ್ರಾಸ್ , ರಿಯಾಜ ಮದ್ರಾಸ್ ಹಾಗೂ ಅನಿಲ ಜಗತಾಪ ಬಂಧಿತ ಆರೋಪಿಗಳಾಗಿದ್ದಾರೆ.

ಇವರು ಹಳೇ ಹುಬ್ಬಳ್ಳಿಯ ಮಂಟೂರು ರಸ್ತೆಯಲ್ಲಿ‌ ಸಂಚರಿಸುವ ಯುವತಿಯರಿಗೆ ಚುಡಾಯಿಸುತ್ತಿದ್ದರು.  ಅಸಹ್ಯವಾಗಿ ಸನ್ನೆ ಮಾಡಿ ನಿಂದಿಸುತ್ತಿದ್ದರು. ಈ ಕುರಿತು ಬಂದ ಖಚಿತ ಮಾಹಿತಿ ಮೇಲೆ ದಾಳಿ‌ ನಡೆಸಿದ ಚೆನ್ನಮ್ಮ ಪಡೆ ಮಹಿಳಾ‌ ಪೊಲೀಸರು ದಾಳಿ ನಡೆಸಿ ನಾಲ್ವರನ್ನು ‌ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ‌ಒಪ್ಪಿಸಿದ್ದಾರೆ.