ಬಡಿದಾಡಿಕೊಂಡ ಶಿಕ್ಷಕರು; ಮನೆಗೋಡಿ ಹೋದ ವಿದ್ಯಾರ್ಥಿಗಳು

ವಿದ್ಯಾರ್ಥಿಗಳ ಎದುರೇ ಶಿಕ್ಷಕರಿಬ್ಬರು ಪರಷ್ಪರ ಹೊಡೆದಾಡಿಕೊಂಡ ಖಂಡನೀಯ ಘಟನೆ ಬೀದರ್‌ನ ಇಸ್ಲಾಂಪುರದಲ್ಲಿರುವ ಸರ್ಕಾರಿ ಶಾಲೆಯಲ್ಲಿ ನಡೆದಿದೆ. 

ಕುಡಿದ ಮತ್ತಿನಲ್ಲಿ ಶಾಲೆಗೆ ಬಂದಿದ್ದ ಶಿಕ್ಷಕ ಶಕುಲ್ ಅವರನ್ನು ಮುಖ್ಯ ಶಿಕ್ಷಕ ಪ್ರಶ್ನಿಸಿದ್ದೇ ಘಟನೆಗೆ ಕಾರಣವಾಯಿತು. ಕುಡಿದ ಮತ್ತಿನಲ್ಲಿ ಶಕುಲ್ ಮುಖ್ಯ ಶಿಕ್ಷಕ ಸೋಪಾಲ್ ರಾವ್ ಅವರ ಮೇಲೆ ಮನಬಂದಂತೆ ಹಲ್ಲೆ ನಡೆಸಿದ್ದಾನೆ. ಅವರಿಬ್ಬರ ಮಾರಾಮಾರಿ ಕಂಡು ಬೆದರಿದ ಪುಟ್ಟ ಮಕ್ಕಳೆಲ್ಲರೂ ಮನೆಗೋಡಿ ಹೋಗಿದ್ದಾರೆ. ಇದರಿಂದ ಕೋಪಗೊಂಡ ಪೋಷಕರು ಮಕ್ಕಳ ಜತೆ ಶಾಲೆಗೆ ಮರಳಿ ಕರೆ ತಂದು ಶಿಕ್ಷಕರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. 

ಶಕುಲ್ ಪ್ರತಿದಿನವೂ ಕುಡಿದು ಶಾಲೆಗೆ ಬರುತ್ತಿದ್ದು, ಅವರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ. 

ಆರೋಪಿ ಶಕುಲ್ ವಿರುದ್ಧ ಡಿಡಿಪಿಐಗೆ ದೂರು ನೀಡಲಾಗಿದೆ. 

ಆರೋಪಿ ಶಕುಲ್ ಈ ಶಾಲೆಯಲ್ಲಿ ಕಳೆದ 3 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದು ಅವರ ವರ್ತನೆಯಿಂದ ಬೇಸತ್ತಿದ್ದೇವೆ ಎಂದು ಮಕ್ಕಳ ಪೋಷಕರು ದೂರಿದ್ದಾರೆ. 70 ವಿದ್ಯಾರ್ಥಿಗಳಿರುವ ಶಾಲೆಯಲ್ಲಿ ಒಟ್ಟು 5 ಶಿಕ್ಷಕರು ಕಾರ್ಯ ನಿರ್ವಹಿಸುತ್ತಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.