ಇಸ್ರೋಗೆ ಅಭಿನಂದಿಸಿದ ಸೋನಿಯಾ ಗಾಂಧಿ

ಚಂದ್ರಯಾನ- 3 ಯಶಸ್ವಿಯಾದ ಹಿನ್ನೆಲೆ ಕಾಂಗ್ರೆಸ್ ಸಂಸದೀಯ ಸಮಿತಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಶುಭಾಶಯ ತಿಳಿಸಿದ್ದಾರೆ. ಇಸ್ರೋ ಅಧ್ಯಕ್ಷ ಸೋಮನಾಥ್ ಅವರಿಗೆ ಸೋನಿಯಾ ಗಾಂಧಿ ಪತ್ರ ಬರೆದಿದ್ದಾರೆ. ಇಸ್ರೋದ ಅದ್ಭುತ ಸಾಧನೆಯಿಂದ ರೋಮಾಂಚನಗೊಂಡಿದ್ದೇನೆ. ಇದು ಎಲ್ಲಾ ಭಾರತೀಯರಿಗೆ ಹೆಮ್ಮೆ ಪಡುವ ವಿಚಾರವಾಗಿದೆ.

ವಿಶೇಷವಾಗಿ ಯುವ ಪೀಳಿಗೆಗೆ ಅತ್ಯಂತ ಹೆಮ್ಮೆ ಮತ್ತು ಉತ್ಸಾಹದ ವಿಷಯ. ಇಸ್ರೋದ ಅತ್ಯುತ್ತಮ ಸಾಮರ್ಥ್ಯಗಳನ್ನು ದಶಕಗಳಿಂದ ನಿರ್ಮಿಸಲಾಗಿದೆ. ಇಸ್ರೋ ಸಾಮೂಹಿಕ ನಾಯಕರನ್ನು ಹೊಂದಿದೆ. ಸಾಮೂಹಿಕ ಮನೋಭಾವವು ಮಾತ್ರ ತಂಡವನ್ನು ಮುನ್ನಡೆಸಲು ಸಾಧ್ಯ. ಅರವತ್ತರ ದಶಕದ ಆರಂಭದಿಂದಲೂ ಸ್ವಾವಲಂಬನೆಯ ಪರಿಣಾಮ ಉತ್ತಮ ಯಶಸ್ಸಿಗೆ ಕಾರಣವಾಗಿದೆ. ನಾನು ಇಡೀ ಇಸ್ರೋ ಭ್ರಾತೃತ್ವಕ್ಕೆ ಶುಭ ಹಾರೈಸುತ್ತೇನೆ ಎಂದರು.