ಬೆಂಗಳೂರು: ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆಗೆ ಹಾಜರಾಗುವಂತೆ ಆರೋಪಿ ಪರಶುರಾಮ್ ವಾಗ್ಮೋರೆ ಸ್ನೇಹಿತ ರಾಕೇಶ್ ಮತ್ತು ತಂದೆ ಅಶೋಕ್ ವಾಗ್ಮೋರೆಗೆ ಎಸ್ಐಟಿ ನೋಟಿಸ್ ಜಾರಿ ಮಾಡಿದೆ.
ಈ ಸಂಬಂಧ ಇಬ್ಬರೂ ಬೆಂಗಳೂರಿಗೆ ವಿಚಾರಣೆಗೆ ಆಗಮಿಸಿದ್ದಾರೆ. ಈ ಸಂದರ್ಭದಲ್ಲಿ ಮಾಧ್ಯಮಗಳಲ್ಲಿ ಮಾತನಾಡಿರುವ ಪರಶುರಾಮ್ ತಂದೆ ಅಶೋಕ್ ವಾಗ್ಮೋರೆ ‘ನನ್ನ ಮಗ ನನ್ನ ಬಳಿ ಈ ವಿಚಾರ ಏನೂ ಹೇಳಿಲ್ಲ. ಆತ ಹತ್ಯೆ ಮಾಡಿದ್ದಾನೆಂದರೆ ನನಗೆ ನಂಬಿಕೆ ಬರುತ್ತಿಲ್ಲ’ ಎಂದಿದ್ದಾರೆ.
ಇನ್ನು ಶ್ರೀರಾಮ ಸೇನೆ ವಿಜಯಪುರ ಜಿಲ್ಲಾಧ್ಯಕ್ಷ ರಾಕೇಶ್ ನಾವಿಬ್ಬರೂ ಸ್ನೇಹಿತರು. ಆದರೆ ಇದುವರೆಗೆ ಪರಶುರಾಮ್ ನನ್ನ ಬಳಿ ಈ ಕೃತ್ಯದ ಬಗ್ಗೆ ಚರ್ಚಿಸಿಲ್ಲ ಎಂದಿದ್ದಾರೆ. ಈ ಸಂದರ್ಭದಲ್ಲಿ ಇಬ್ಬರೂ ಎಸ್ಐಟಿ ತನಿಖೆ ಸಂಪೂರ್ಣ ಸಹಕಾರ ನೀಡುವುದಾಗಿ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.