ಹುಣಸೂರಿನ ಬಾಬಾ ಮಂದಿರದಲ್ಲಿ ಸಾಯಿಬಾಬಾ ಪ್ರತ್ಯಕ್ಷ..?

ಮೈಸೂರು ಜಿಲ್ಲೆಯ ಹುಣಸೂರಿನ ಬಾಬಾ ಮಂದಿರದಲ್ಲಿ ಸಾಯಿಬಾಬಾರನ್ನೇ ಹೋಲುವ ಬೆಳಕು ಕಾಣಿಸಿಕೊಂಡಿದೆ. ಸಿಸಿಟಿವಿಯಲ್ಲಿ ಸಾಯಿಬಾಬಾ ನಡೆದುಹೋಗುವ ರೀತಿಯ ಬೆಳಕು ಸೆರೆಯಾಗಿದ್ದು ಭಕ್ತರು ಚಕಿತರಾಗಿದ್ದಾರೆ.

ಸಾಕ್ಷಾತ್ ಸಾಯಿಬಾಬಾರೆ ಪ್ರತ್ಯಕ್ಷವಾಗಿದ್ದಾರೆ ಎಂಬುದು ಭಕ್ತರ ನಂಬಿಕೆಯಾಗಿದ್ದು, ಮಂದಿರದತ್ತ ತಂಡೋಪ ತಂಡವಾಗಿ ಆಗಮಿಸುತ್ತಿದ್ದಾರೆ.

ಈ ಕುರಿತು, ಖಾಸಗಿ ಚಾನಲ್`ಗೆ ಪ್ರತಿಕ್ರಿಯಿಸಿರುವ ಬಾಬಾಮಂದಿರದ ಮ್ಯಾನೇಜರ್ ಸುಧನ್ವಾ ಸಿಸಿಟಿವಿಯಲ್ಲಿ ದೇವರ ರೀತಿಯೇ ಇರುವ ದೃಶ್ಯ ಕಂಡು ಅಚ್ಚರಿಯಾಯಿತು. ಒಳಗೆ ಹೋಗಿ ನೋಡಿದಾಗ ಏನೂ ಇರಲಿಲ್ಲ. ಸೂರ್ಯನ ಬೆಳಕಿನಲ್ಲಿ ಈ ರೀತಿಯ ಬಿಂಬ ಏರ್ಪಟ್ಟಿರಬಹುದೆಂದು ಹೇಳಿದ್ದಾರೆ.