ಭಾರತೀಯ ರಿಸರ್ವ ಬ್ಯಾಂಕ್ ( ಆರ್ ಬಿ ಐ ) ನ ಮುಂದಿನ ಆಡಳಿತ ಮಂಡಳಿ ಸಭೆ ನಡೆಯಲಿರುವ ನವೆಂಬರ್ 19ರಂದು ಆರ್ ಬಿ ಐ ಗೌರ್ನರ್ ಉರ್ಜಿತ್ ಪಟೇಲ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡುವ ಸಾಧ್ಯತೆ ದಟ್ಟವಾಗಿದೆ.
ಸರಕಾರದೊಂದಿಗೆ ಉಂಟಾಗಿರುವ ಘರ್ಷಣೆಯಿಂದಾಗಿ ಅವರು ರೋಸಿಹೋಗಿದ್ದು, ಅದು ಅವರ ಆರೋಗ್ಯದ ಮೇಲೆಯೂ ಪರಿಣಾಮ ಬೀರುತ್ತಿದೆ ಎಂದು ಉರ್ಜಿತ್ ಪಟೇಲ್ ರ ಸಮೀಪದ ಮೂಲಗಳು ತಿಳಿಸಿವೆ.
ಎಂಎಸ್ ಎಂಇ ಗೆ ಸಾಲ ನೀಡುವ ನಿಯಮಗಳನ್ನು ಸಡಿಲಿಸಿ ಆರ್ ಬಿ ಐನ ಹೆಚ್ಚುವರಿ ಮೀಸಲು ಹಣವನ್ನು ಪಡೆದು ಅದನ್ನು ಸಾರ್ವಜನಿಕ ವೆಚ್ಚಕ್ಕೆ ಬಳಸುವ ಬಗ್ಗೆ ಸರಕಾರ ಮತ್ತು ಆರ್ ಬಿ ಐ ನಡುವೆ ಸಂಘರ್ಷ ಏರ್ಪಟ್ಟಿದೆ. ಈ ಕಾರಣಕ್ಕಾಗಿ ಉರ್ಜಿತ್ ಪಟೇಲ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
