ನೋಟಿನಲ್ಲಿ ಮದುವೆ ಹಾರ ತಯಾರು

ಸಾಮಾಜಿಕ ಜಾಲತಾಣದಲ್ಲಿ ಹಲವಾರು ವಿಡಿಯೋಗಳು ಜನರನ್ನು ಸೆಳೆಯುತ್ತಿರುತ್ತವೆ. ವಿಭಿನ್ನ ಪ್ರಯತ್ನಗಳನ್ನು ಮಾಡಿ ಜನರು ಲೈಕ್​​​, ಕಮೆಂಟ್​​​ಗಳನ್ನು ಗಿಟ್ಟಿಸಿಕೊಳ್ತಾರೆ. ಇಲ್ಲೊಂದು ವಿಡಿಯೋ ವೈರಲ್​​ ಆಗಿದ್ದು, ನೋಟನ್ನು ಬಳಸಿ ಹಾರವನ್ನು ತಯಾರು ಮಾಡಿದ್ದಾನೆ. ಮಲ್ಲಿಗೆ, ಸೇವಂತಿಗೆ, ಸುಗಂಧಿ, ಚಂಡುಹೂ, ಕನಕಾಂಬರ, ಗುಲಾಬಿ ಹೀಗೆ ಹೂಗಳಲ್ಲಿ ಹಾರ ಮಾಡಿ ಮದುಮಕ್ಕಳನ್ನು ಅಲಂಕರಿಸುವುದುಂಟು. ಆದರೆ ಇಲ್ಲಿ ವಿಭಿನ್ನವಾಗಿ ಹಾರವನ್ನು ತಯಾರು ಮಾಡಲಾಗಿದೆ. 

ಈ ವೈರಲ್ ಆದ ವಿಡಿಯೋದಲ್ಲಿ ನೋಟಿನಿಂದ ಹಾರವನ್ನು ಮಧುಮಗ ಧರಿಸಿದ್ದಾನೆ. ಅವನ ಸ್ನೇಹಿತರು ಅಕ್ಕಪಕ್ಕ ನಿಂತು ಆ ಹಾರವನ್ನು ಪ್ರದರ್ಶಿಸುತ್ತಿದ್ದಾರೆ. ದೊಡ್ಡ ಬೆಡ್​ಶೀಟಿನಂತೆ ಕಾಣುತ್ತಿರುವ ಈ ಹಾರ ನೆಲದ ಮೇಲೆಲ್ಲ ಹರಡಿಕೊಂಡಿದೆ. 

ಇದನ್ನ ಕಂಡ ನೆಟ್ಟಿಗರಂತೂ ಹೌಹಾರಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡ ಈ ವಿಡಿಯೋ ಅನ್ನು ಈಗಾಗಲೇ 3.5 ಲಕ್ಷಕ್ಕೂ ಹೆಚ್ಚು ಜನರು ಮೆಚ್ಚಿದ್ದಾರೆ.