ಚಿಕನ್​ ಸಿಬ್ಬಂದಿಗಳ ಮೇಲೆ ಪುಂಡರ ಹಲ್ಲೆ

ಐಡಿಯಲ್ ಚಿಕನ್ ಸಿಬ್ಬಂದಿಗಳ ಮೇಲೆ ಇಬ್ಬರು ರೌಡಿಶೀಟರ್​ಗಳು ಕಲ್ಲು, ಹೆಲ್ಮೆಟ್​ನಿಂದ ಹಲ್ಲೆ ಮಾಡಿರುವ ಘಟನೆ ಮಂಗಳೂರಿನಲ್ಲಿ ನಡೆದಿದೆ. ರೌಡಿಶೀಟರ್ ಪ್ರೀತಮ್ ಯಾನೆ ಮತ್ತು ಧೀರಜ್ ಕುಮಾರ್ ಪುಂಡಾಟ ಮೆರೆದಿದ್ದಾರೆ. ಈ ಹಿಂದೆಯೂ ಹಲವಾರು ಸಾರ್ವಜನಿಕರ ಮೇಲೆ ಹಲ್ಲೆ ಮಾಡುತ್ತಿದ್ದರು ಮತ್ತು ಚಾಕು ತೋರಿಸಿ ಬೆದರಿಸುತ್ತಿದ್ದರು ಎನ್ನುವ ಮಾಹಿತಿ ತಿಳಿದುಬಂದಿದೆ. ಪೊಲೀಸರು ಇಬ್ಬರು ರೌಡಿಶೀಟರ್​​​​​ಗಳನ್ನ ಬಂಧಿಸಿದ್ದಾರೆ. ಅಪರಾಧಿಗಳಿಂದ ಎರಡು ಚೂರಿ, ಹೆಲ್ಮೆಟ್​​ ವಶಕ್ಕೆ ಪಡೆದಿದ್ದಾರೆ.  ರೌಡಿ ಶೀಟರ್ ಪ್ರೀತಮ್​ 3 ಕೊಲೆ ಪ್ರಕರಣ ಸೇರಿ 10 ಕ್ಕೂ ಹೆಚ್ಚು ಪ್ರಕರಣದ ಆರೋಪಿ ಎಂದು ತಿಳಿದುಬಂದಿದೆ.