ವಯನಾಡ್ (ಕೇರಳ): ಪ್ರಧಾನಿ ನರೇಂದ್ರ ಮೋದಿ ಅವರು ಈ ಹಿಂದೆ ಮಣಿಪುರಕ್ಕೆ ಭೇಟಿ ನೀಡದಿದ್ದಕ್ಕಾಗಿ ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ಅವರು ಶನಿವಾರ ಟೀಕಿಸಿದ್ದಾರೆ.
ಈ ವಿಚಾರವಾಗಿ ಕೇರಳದ ವಯನಾಡಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮಣಿಪುರಕ್ಕೆ ಮೋದಿ ಅವರು ಬಹಳ ಹಿಂದೆಯೇ ಭೇಟಿ ನೀಡಬೇಕಿತ್ತು.ಅಲ್ಲಿ ನಡೆಯುತ್ತಿರುವ ಹಿಂಸಾಚಾರಕ್ಕೆ ಅವರು ಹೊಣೆಗಾರರಾಗಿದ್ದಾರೆ. ಭೇಟಿ ನೀಡಲು ನಿರ್ಧರಿಸುವ ಈ ಹಿಂದೆ ಏನಾಗುತ್ತಿತ್ತು ಎಂದು ನೋಡಬೇಕಿತ್ತು. ಇಷ್ಟು ಜನರನ್ನು ಕೊಲ್ಲಲು ಮತ್ತು ಹಲವಾರು ಜನರು ಇಷ್ಟೊಂದು ಕಲಹಗಳನ್ನು ಅನುಭವಿಸಲು ಅವಕಾಶ ನೀಡಿರುವುದು ತುಂಬಾ ದುರದೃಷ್ಟಕರ ಎಂದು ಕಿಡಿಕಾರಿದರು.
ಪ್ರಧಾನ ಮಂತ್ರಿಗಳು ದುಃಖದಿಂದ ಪೀಡಿತ ಪ್ರದೇಶಗಳಿಗೆ ಭೇಟಿ ನೀಡುವುದು ಸಾಂಪ್ರದಾಯಿಕವಾಗಿ ಅಭ್ಯಾಸವಾಗಿದೆ ಎಂದು ಅವರು ಹೇಳಿದರು. ಹಿಂಸಾಚಾರ ಪ್ರಾರಂಭವಾದ ಎರಡು ವರ್ಷಗಳ ನಂತರ ಪ್ರಧಾನಿ ಮೋದಿ ಅವರು ಭೇಟಿ ನೀಡಿದ್ದಾರೆ.
ಇದಕ್ಕೂ ಮೊದಲು, ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರು ಪ್ರಧಾನಿಯವರ ಮುಂಬರುವ ಭೇಟಿಯನ್ನು "ಪಿಟ್‌ಸ್ಟಾಪ್" ಮತ್ತು "ಪ್ರಹಸನ" ಎಂದು ಟೀಕಿಸಿದರು.
"ಮಣಿಪುರದಲ್ಲಿ ನಿಮ್ಮ 3 ಗಂಟೆಗಳ ಪಿಟ್ ಸ್ಟಾಪ್ ಸಹಾನುಭೂತಿಯಲ್ಲ - ಇದು ಪ್ರಹಸನ, ಟೋಕನಿಸಂ ಮತ್ತು ಗಾಯಾಳುಗಳಿಗೆ ಘೋರ ಅವಮಾನ ಎಂದು ಗುಡುಗಿದರು.
