ಕಿವಿಗೆ ಹೆಡ್‌ಫೋನ್ ಹಾಕಿಕೊಂಡು ರೈಲು ಹಳಿಯ ಮೇಲೆ ನಡೆದು ಹೋಗುತ್ತಿದ್ದ ಯುವಕ ರೈಲು ಬಡಿದು ಸ್ಥಳದಲ್ಲೇ ದುರ್ಮರಣವನ್ನಪ್ಪಿದ ಘಟನೆ ಕುಂದಾಪುರದ ಕುಂದಬಾರಂಪಾಡಿ ಬಳಿ ನಡೆದಿದೆ.
ಮೃತನನ್ನು ಬೆಂಗಳೂರಿನ ನಿವಾಸಿ ಜಗತ್ ಹೆಗಡೆ ( 23) ಎಂದು ಗುರುತಿಸಲಾಗಿದೆ.
ಬೆಂಗಳೂರಿನಲ್ಲಿ ಪೋಷಕರ ಜತೆ ವಾಸವಾಗಿರುವ ಜಗತ್ ತಮ್ಮ ಅಜ್ಜಿಯನ್ನು ಊರಿಗೆ ಬಿಡಲು ಕಾರ್‌ಲ್ಲಿ ಬಂದಿದ್ದರು. ಅಜ್ಜಿಯನ್ನು ಮನೆಯಲ್ಲಿ ಬಿಟ್ಟು ನಿನ್ನೆಯೇ ಅವರು ಬೆಂಗಳೂರಿಗೆ ವಾಪಸ್ಸಾಗುವವರಿದ್ದರು. ಅಜ್ಜಿಯ ಮನೆಗೆ ಬಂದಾಗಲೆಲ್ಲ ಸಮಯ ಕಳೆಯಲು ರೈಲು ಹಳಿಯ ಕಡೆ ಹೋಗುತ್ತಿದ್ದ ಅವರು ನಿನ್ನೆ ಸಹ ನಗರಕ್ಕೆ ವಾಪಸ್ಸಾಗುವ ಮುನ್ನ ರೈಲು ಹಳಿಯ ಕಡೆ ಹೋಗಿದ್ದರು. ಆ ಸಮಯದಲ್ಲಿ ಡೆಮೋ ರೈಲು ಬಡಿದು ದುರ್ಮರವನ್ನಪ್ಪಿದ್ದಾರೆ.
ಇಂಜಿನಿಯರಿಂಗ ಮುಗಿಸಿದ್ದ ಜಗತ್ ಕೆಲಸಕ್ಕೆ ಸೇರುವ ಖುಷಿಯಲ್ಲಿದ್ದ. ಯುವ ಮಗನನ್ನು ಕಳೆದುಕೊಂಡಿರುವ ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ.
ಮೃತದೇಹವನ್ನು ಕುಂದಾಪುರ ಶವಾಗಾರಕ್ಕೆ ಕಳುಹಿಸಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
