ಕೆಜಿಎಫ್ ಭಾಗ ಎರಡನೇ ಚಿತ್ರದ ಚಿತ್ರೀಕರಣ ಸ್ಥಗಿತವಾಗಿರುವುದನ್ನು ವಿರೋಧಿಸಿ ಸ್ಥಳೀಯ ಕೂಲಿಕಾರರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೆಲವು ಸ್ವಾರ್ಥಿಗಳ ಕೈವಾಡದಿಂದ ಚಿತ್ರೀಕರಣ ಸ್ಥಗಿತವಾಗಿರೋದ್ರಿಂದ ನಮಗೆ ಸಿಗ್ತಿದ್ದ ಕೂಲಿಗೆ ಸಂಚಕಾರ ಬಂದಿದೆ ಅಂತ ಪ್ರತಿಭಟಿಸಿದ್ದಾರೆ. ಪ್ರಸ್ತುತ ಕೋರ್ಟ್ ಆದೇಶದ ಹಿನ್ನಲೆಯಲ್ಲಿ ನಟ ಯಶ್ ಅಭಿನಯದ ಈ ಚಿತ್ರದ ಚಿತ್ರೀಕರಣವು ಸ್ಥಗಿತವಾಗಿದೆ.
ಕೋಲಾರ ಜಿಲ್ಲೆಯ ಕೆಜಿಎಫ್ ನಗರದಲ್ಲಿ ನಟ ಯಶ್ ಅಭಿನಯದ ಕೆಜಿಎಫ್ ಭಾಗ 2 ರ ಚಿತ್ರೀಕರಣಕ್ಕೆ ಸ್ಥಳೀಯ ಕೋರ್ಟ್ ತಡೆಯಾಜ್ಞೆ ನೀಡಿದೆ. ಚಿತ್ರ ತಂಡವು ಇಲ್ಲಿನ ಸೈಯನೈಡ್ ಗುಡ್ಡದ ಪರಿಸರವನ್ನು ಹಾಳು ಮಾಡುತ್ತಿದೆ ಅಂತ ಆರೋಪಿಸಿ ಶ್ರೀನಿವಾಸ್ ಎನ್ನುವವರು ಕೋರ್ಟ್ ಮೊರೆ ಹೋಗಿದ್ದರು. ಈ ಹಿನ್ನಲೆಯಲ್ಲಿ ಕೆಜಿಎಫ್ ಭಾಗ ಎರಡರ ಸಿನಿಮಾದ ಚಿತ್ರೀಕರಣವನ್ನು ನಿಲ್ಲಿಸುವಂತೆ ಕೋರ್ಟ್ ಆದೇಶಿಸಿತ್ತು.
ಕೆಜಿಎಫ್ ಭಾಗ ಎರಡರ ಸಿನಿಮಾದ ಚಿತ್ರೀಕರಣವು ಸ್ಥಗಿತವಾಗಿರುವುದು ಇಲ್ಲಿನ ಮಹಿಳಾ ಕಾರ್ಮಿಕರ ಆಕ್ರೋಶಕ್ಕೆ ಕಾರಣವಾಗಿದೆ. ಚಿತ್ರೀಕರಣದ ಸಮಯದಲ್ಲಿ ಅಷ್ಟೋ-ಇಷ್ಟೋ ಸಿಗ್ತಿದ್ದ ಕೂಲಿ ಕೆಲವರ ಚಿತಾವಣೆಯಿಂದ ನಿಂತೋಯ್ತು ಅಂತ ಅವು ಬೇಸರ ವ್ಯಕ್ತಪಡಿಸಿದ್ರು. ಕೆಜಿಎಫ್ ಗಣಿ ಕಾರ್ಖಾನೆ ಮತ್ತೆ ಪ್ರಾರಂಭ ಮಾಡೋದಿಕ್ಕೆ ಹೋರಾಟ ಮಾಡದವ್ರು, ಇಲ್ಲಿನ ನಮಗೆ ಸಿಕ್ತಿದ್ದ ಕೂಲಿಗೆ ಕಲ್ಲು ಹಾಕಿದ್ದಾರೆ ಅಂತ ಅವ್ರು ದೂರಿದ್ದಾರೆ.