ಬೆಲೆ ಏರಿಕೆ ರಾಕ್ಷಸ ಸರ್ಕಾರ ಜನರ ರಕ್ತ ಹೀರುತ್ತಿದೆ: ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಗರಂ

Photo Courtesy X

ಬೆಂಗಳೂರು (ಕರ್ನಾಟಕ): ರಾಜ್ಯದಲ್ಲಿ ಕಾಂಗ್ರೆಸ್ ನೇತೃತ್ವದ ಕರ್ನಾಟಕ ಸರ್ಕಾರ ಕಸ ವಿಲೇವಾರಿಗೂ ಹೇರಿರುವ ಸೆಸ್ ಬಗ್ಗೆ ಕೇಂದ್ರ ಸಚಿವ ಎಚ್‌ ಡಿ ಕುಮಾರಸ್ವಾಮಿ ಆಕ್ರೋಶ ಹೊರಹಾಕಿದ್ದಾರೆ. ಕರ್ನಾಟಕದಲ್ಲಿ "ಬೆಲೆ ಏರಿಕೆ ಎಂಬ ರಾಕ್ಷಸ" ಸರ್ಕಾರವು ಜಿಗಣೆಗಳಂತೆ ಜನರ ರಕ್ತವನ್ನು ಹೀರುತ್ತಿದೆ ಎಂದರು.

ಪತ್ರಿಕಾ ಹೇಳಿಕೆಯಲ್ಲಿ ಕುಮಾರಸ್ವಾಮಿ ಅವರು, "ಇಂದಿನಿಂದ ಕಾಂಗ್ರೆಸ್ ಸರ್ಕಾರವು ಕಸದ ಮೇಲೂ ಸೆಸ್ ವಿಧಿಸುತ್ತಿದೆ. ಇದರಿಂದ ಜನರು ಸಂಕಷ್ಟ ಪಡುವಂತಾಗಿದೆ. ಸುಳ್ಳು ಹೇಳಿ ಪ್ರತಿ ತುಂಗಳು ಬೆಲೆ ಏರಿಕೆಯನ್ನು ಮಾಡುತ್ತಿದೆ ಎಂದು ಆರೋಪಿಸಿದರು.

ರಾಜ್ಯದಲ್ಲಿರುವ ಕಾಂಗ್ರೆಸ್‌ ಈಸ್ಟ್‌ ಇಂಡಿಯಾ ಕಂಪನಿಯ ಶೈಲಿಯಲ್ಲಿ ಆಡಳಿತ ನಡೆಸುತ್ತಿದೆ. ಸರ್ಕಾರವು ತನ್ನ ಐದು ಭರವಸೆಗಳನ್ನು ಬೆಲೆ ಏರಿಕೆಗೆ ನೆಪವಾಗಿ ಬಳಸುತ್ತಿದೆ. ಆದರೆ ಅದರ ನಿಜವಾದ ಉದ್ದೇಶ ಜನರನ್ನು ಲೂಟಿ ಮಾಡುವುದಲ್ಲದೆ ಬೇರೇನೂ ಅಲ್ಲ. ಭಾರತವನ್ನು ಆಕ್ರಮಿಸಿ ನಿರಂತರವಾಗಿ ಲೂಟಿ ಮಾಡಿದ ಘಜ್ನಿಯ ಮಹಮ್ಮದ್ ಮತ್ತು ಮುಹಮ್ಮದ್ ಘೋರಿ ಕೂಡ ಕಾಂಗ್ರೆಸ್ ಸರ್ಕಾರವು ಕನ್ನಡಿಗರ ಮೇಲೆ ಹೇರುತ್ತಿರುವ ಬೆಲೆ ಏರಿಕೆ ಅಭಿಯಾನಕ್ಕೆ ನಾಚಿಕೆಪಡುತ್ತಾರೆ ಎಂದು ಕೇಂದ್ರ ಸಚಿವರು ಆರೋಪಿಸಿದ್ದಾರೆ.

ಒಂದು ಕಾಲದಲ್ಲಿ ಸಮೃದ್ಧವಾಗಿದ್ದ ಕರ್ನಾಟಕವನ್ನು ಕಾಂಗ್ರೆಸ್ ಕಂಪನಿ ಸರ್ಕಾರವು "ದುರಾಡಳಿತ"ದ ಮೂಲಕ ನಾಶಪಡಿಸಿದೆ ಮತ್ತು ಈಗ ಜನರಿಗೆ ಬರೆ ಎಳೆಯಲು "ಬೆಲೆ ಏರಿಕೆ ರಾಕ್ಷಸ"ದ ರೂಪವನ್ನು ಪಡೆದುಕೊಂಡಿದೆ ಎಂದು ಅವರು ತೀವ್ರ ದಾಳಿ ನಡೆಸಿದರು.<>