48 ಗಂಟೆ ಕೆಲಸ ಮಾಡಿದರೆ 3 ದಿನ ವೀಕಾಫ್: ಕೇಂದ್ರದಿಂದ ಕಾರ್ಮಿಕ ಹೊಸ ನಿಯಮ

ನವದೆಹಲಿ: ವಾರಕ್ಕೆ 48 ಗಂಟೆ ಕೆಲಸ ಮಾಡಿದರೆ ಇನ್ನು 3 ವೀಕಾಫ್ ಎಂಜಾಯ್ ಮಾಡಬಹುದು ಎಂದು ಕೇಂದ್ರ ಕಾರ್ಮಿಕ ಇಲಾಖೆ ಹೊಸ ನಿಯಮ ಜಾರಿಗೆ ತರಲು ಹೊರಟಿದೆ.

ವಿದೇಶಗಳಂತೆ ಈಗ ಭಾರತದಲ್ಲೂ ಕಾರ್ಮಿಕರಿಗೆ ಮೂರು ದಿನ ರಜೆ ಆಫರ್ ನೀಡಲಾಗಿದೆ. ಕೇಂದ್ರ ಸರ್ಕಾರ ಹೊಸ ಕಾರ್ಮಿಕ ನೀತಿ ಜಾರಿಗೆ ತರುತ್ತಿದೆ. ಅದರಂತೆ ವಾರಕ್ಕೆ 48 ಗಂಟೆ ಕೆಲಸ ಮಾಡಿದರೆ ಮೂರು ವೀಕಾಫ್ ಪಡೆಯಬಹುದಾಗಿದೆ. ಕಾರ್ಮಿಕರಿಗೆ ಅನುಕೂಲವಾಗುವಂತಹ ಹೊಸ ನಿಯಮಗಳನ್ನು ಜಾರಿಗೆ ತರಲಾಗುತ್ತಿದೆ.

ಹೊಸ ನಿಯಮದ ಪ್ರಕಾರ ಒಬ್ಬ ನೌಕರನಿಂದ ಒಂದು ವಾರಕ್ಕೆ 48 ಗಂಟೆ ಮಾತ್ರ ಕೆಲಸ ಮಾಡಿಸಬೇಕು. ಹೆಚ್ಚು ಕೆಲಸ ಮಾಡಿದರೆ ಒಟಿ ನೀಡಬೇಕು. ಒಂದು ದಿನದಲ್ಲಿ ಎಷ್ಟು ಬೇಕಾದರೂ ಕೆಲಸ ಮಾಡಬಹುದು. ಆದರೆ ವಾರಕ್ಕೆ 48 ಗಂಟೆ ಮೀರಬಾರದು. ಇದರಿಂದ ಕಾರ್ಮಿಕರಿಗೆ ಮೂರು ದಿನ ಪೇಯ್ಡ್ ಲೀವ್ ಸಿಗುತ್ತದೆ.

ಒಂದು ವೇಳೆ ನಿಮಗೆ ದಿನಕ್ಕೆ 8 ಗಂಟೆ ಮಾತ್ರ ಕೆಲಸ ಮಾಡಲು ಸಾಧ್ಯ ಎಂದರೆ ವಾರಕ್ಕೆ ಆರು ದಿನ ದುಡಿಯಬೇಕಾಗುತ್ತದೆ. ದಿನಕ್ಕೆ 10 ಗಂಟೆ ಕೆಲಸ ಮಾಡಿದರೆ ವಾರಕ್ಕೆ ಎರಡು ರಜೆ ಪಡೆಯಬಹುದಾಗಿದೆ. ಇದನ್ನು ಆಯಾ ಕಂಪನಿಗಳು ಉದ್ಯೋಗಿಗಳೊಂದಿಗೆ ಚರ್ಚಿಸಿ ತೀರ್ಮಾನ ಕೈಗೊಳ್ಳಬೇಕು ಎಂದು ಕಾರ್ಮಿಕ ಇಲಾಖೆ ಪ್ರಕಟಣೆ ನೀಡಿದೆ.