2018ರಲ್ಲಿ ಜೆಡಿಎಸ್ ಪಕ್ಷದಿಂದ ಸರಕಾರ ರಚನೆ ಖಚಿತ: ರೇವಣ್ಣ

2018ರಲ್ಲಿ ಜೆಡಿಎಸ್ ಪಕ್ಷ ಸರಕಾರ ರಚಿಸಲಿದೆ. ಯಾರು ಏನೂ ಮಾಡಿದರೂ ಸರಕಾರ ರಚನೆ ತಪ್ಪಿಸಲು ಸಾಧ್ಯವಿಲ್ಲ. ಬಂಡಾಯ ಶಾಸಕರು ನನ್ನನ್ನು ಶನಿ ಎಂದಜು ಕರೆದಿದ್ದಾರೆ. ಇದೀಗ ಶನಿಗಳು ಕಾಂಗ್ರೆಸ್‌ಗೆ ಶಿಫ್ಟ್ ಆಗಿವೆ ಎಂದು ತಿರುಗೇಟು ನೀಡಿದರು.

ಜಮೀರ್ ಅಹ್ಮದ್‌ಗೆ ಕನ್ನಡ ಮಾತನಾಡಲು ಬರುತ್ತಿರಲಿಲ್ಲ. ಭಿನ್ನಮತೀಯರನ್ನು ನಾನು ಯಾವತ್ತೂ ಶನಿ ಎಂದು ಕರೆದಿಲ್ಲ. ಎಲ್ಲಾ ಸಮುದಾಯದವರನ್ನು ದೇವೇಗೌಡರು ಸಮಾನವಾಗಿ ಕಂಡಿದ್ದರು. ಆದರೆ, ಭಿನ್ನಮತೀಯರು ತಮ್ಮ ಸ್ವಾರ್ಥ ರಾಜಕಾರಣಕ್ಕಾಗಿ ಆರೋಪಗಳನ್ನು ಮಾಡುತ್ತಿದ್ದಾರೆ ಎಂದು ವಾಗ್ದಾಳಿ ನಡೆಸಿದರು.

ಎಚ್.ಸಿ ಬಾಲಕೃಷ್ಣ ಅವರು ಸತ್ಯಹರಿಶ್ಚಂದ್ರ ಏನು ಅಲ್ಲ. ರಾಜ್ಯಸಭೆ ಅಭ್ಯರ್ಥಿ ರಾಮಮೂರ್ತಿಯವರಿಂದ ಎಷ್ಟು ಹಣ ಪಡೆದಿದ್ದಾರೆ ಎನ್ನುವುದು ನನಗೆ ಗೊತ್ತಿದೆ. ಆದರೆ, ಅವರಿಗೆ ದೇವರು ಒಳ್ಳೆಯದು ಮಾಡಲಿ. ಅವರು ಚೆನ್ನಾಗಿರಲಿ ಎಂದು ಜೆಡಿಎಸ್ ಮುಖಂಡ ಎಚ್.ಡಿ.ರೇವಣ್ಣ ತಿಳಿಸಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ