ಪತ್ನಿಯ ಕಚೇರಿಗೆ ಬಂದು ಚಾಕು ಇರಿದ ಪತಿ. ಕಾರಣವೇನು ಗೊತ್ತಾ?

ಮುಂಬೈ : ಪತ್ನಿಗೆ ಅಕ್ರಮ ಸಂಬಂಧವಿದೆ  ಎಂಬ ಅನುಮಾನದಿಂದ ಪತಿಯೊಬ್ಬ ಕಚೇರಿಗೆ ಬಂದು ಪತ್ನಿಗೆ ಚಾಕು ಇರಿದ ಘಟನೆ ಮುಂಬೈನ ಭಾಯಂದರ್ ನಲ್ಲಿ ನಡೆದಿದೆ.

ಕುಮಾರ್ (32) ಪತ್ನಿಗೆ ಚಾಕು ಇರಿದ ಪತಿ. ವೀಣಾ ಇರಿತಕ್ಕೊಳಗಾದ ಪತ್ನಿ. ಇವರಿಬ್ಬರಿಗೂ ಮದುವೆಯಾಗಿ 12ವರ್ಷ ಕಳೆದರೂ ಪತ್ನಿ ವೀಣಾಗೆ ಪರ ಪುರುಷನ ಜೊತೆ ಸಂಬಂಧವಿತ್ತೆಂದು ಆರೋಪಿಸಿ ಕುಮಾರ್ ಆಗಾಗ ಜಗಳ ಮಾಡುತ್ತಿದ್ದ. ಇದರಿಂದ ಬೇಸತ್ತ ಆಕೆ ಮನೆ ಬಿಟ್ಟು ಹೋಗಿದ್ದಾಳೆ. ಈ ಹಿನ್ನಲೆಯಲ್ಲಿ ಕುಮಾರ್, ಪತ್ನಿ ನಾಪತ್ತೆಯಾಗಿದ್ದಾಳೆಂದು ದೂರು ದಾಖಲಿಸಿದ್ದಾನೆ.

ವೀಣಾಳನ್ನು ಪತ್ತೆ ಹಚ್ಚಿದ ಪೊಲೀಸರು ವೀಣಾ, ಪತಿ ಕುಮಾರ್ ಮನೆಗೆ ಹೋಗುವುದಿಲ್ಲವೆಂದು ಹೇಳಿದ್ದನ್ನು ತಿಳಿಸಿದ್ದಾರೆ. ಇದರಿಂದ ಮತ್ತಷ್ಟು ಕೋಪಗೊಂಡ ಕುಮಾರ್  ವೀಣಾ ಕೆಲಸ ಮಾಡುತ್ತಿದ್ದ ಕಚೇರಿಗೆ ಬಂದು ಚಾಕು ಇರಿದಿದ್ದಾನೆ. ನಂತರ ಅಲ್ಲಿಂದ ಪೊಲೀಸ್ ಠಾಣೆಗೆ ಬಂದು ಪೊಲೀಸರಿಗೆ ಶರಣಾಗಿದ್ದಾನೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.