ಟಗರಿನ ಅಂತಿಮ ದರ್ಶನ ಪಡೆದ ನೂರಾರು ಜನರು!

ಕೋತಿ ದೇವರು ಸಮಾನ ಎಂಬುದು ಕೆಲವರ ಭಾವನೆ. ಇನ್ನು ಟಗರನ್ನು ಹಲವರು ದೇವರಂತೆ ಕಾಣುತ್ತಾರೆ. ವಿಶಿಷ್ಟ ಸಾಧನೆ ಮಾಡಿದ ಟಗರೊಂದು ಸಾವನ್ನಪ್ಪಿತು. ನೂರಾರು ಜನರು ಸಾವನ್ನಪ್ಪಿದ ಟಗರಿನ ಅಂತಿಮ ದರ್ಶನ ಪಡೆದುಕೊಂಡರು. ಏನೀ ಸ್ಟೋರಿ ಮುಂದೆ ಓದಿ…

ಮೃತ ಕುರಿಗೆ ಮನುಷ್ಯರಂತೆ ಅಂತಿಮ ದರ್ಶನದ ವ್ಯವಸ್ಥೆ ಕಲ್ಪಿಸಲಾಗಿತ್ತು. ನೂರಾರು ಜನರು ಕುರಿಯ ಅಂತಿಮ ದರ್ಶನ ಪಡೆದರು. ಅಂದಹಾಗೆ ಈ ಘಟನೆ ನಡೆದಿದ್ದು, ದಾವಣಗೆರೆಯಲ್ಲಿ. ದಾವಣಗೆರೆಯ ಚಂದ್ರು ಎಂಬ ಯುವಕ ಸಾಕಿದ್ದ ಟಗರು ಜನರ ಗಮನ ಸೆಳೆದಿತ್ತು. ಹಲವಾರು ಸ್ಪರ್ಧೆಗಳಲ್ಲಿ ಭಾಗವಹಿಸಿ ಮೂರು ರಾಜ್ಯ ಪ್ರಶಸ್ತಿ, 40 ಕ್ಕೂ ಹೆಚ್ಚು ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದ ಟಗರು. ಯುವಕರ ನೆಚ್ಚಿನ ಟಗರಾಗಿತ್ತು.

ಎಲ್ಲರೂ ಪ್ರೀತಿಯಿಂದ ಟಗರಿಗೆ ಕಾಳ ಎಂಬ ಹೆಸರಿನಿಂದ ಕರೆಯುತ್ತಿದ್ದರು. ಜ್ವರದಿಂದ ಬಳಲುತ್ತಿದ್ದ ಟಗರು ಸಾವನ್ನಪ್ಪಿದೆ. ಹೀಗಾಗಿ ಮನುಷ್ಯರಂತೆ ಮೃತ ಟಗರನ್ನು ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಕಲ್ಪಿಸಲಾಗಿತ್ತು. ದಾವಣಗೆರೆಯ ಕಾಡಪ್ಪನ ಬಾವಿ ಬಳಿ ಅಂತ್ಯ ಸಂಸ್ಕಾರ ನೆರವೇರಿಸಲಾಯಿತು.