½ ಲೀಟರ್ ನಂದಿನಿ ಹಾಲು ರೂ.10ಕ್ಕೆ ಮಾರಾಟ; ಸತ್ಯಾಸತ್ಯತೆ ಕಂಡುಹಿಡಿಯಲು ಕೆಎಂಎಫ್ ಹಿಂದೇಟು

ಬೆಂಗಳೂರು : ಅರ್ಧ ಲೀಟರ್ ನಂದಿನಿ ಹಾಲು ರೂ.10ಕ್ಕೆ ಮಾರಾಟ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುದ್ದಿ ಹರಡುತ್ತಿದ್ದಂತೆ ಅಂಗಡಿ ಬಾಗಿಲು ಮುಚ್ಚಿ ಮಾಲೀಕ ಪರಾರಿಯಾಗಿದ್ದಾನೆ ಎಂಬುದಾಗಿ ತಿಳಿದುಬಂದಿದೆ.

ನಂದಿನಿ ಹಾಲಿನ ½ ಲೀಟರ್ ಪ್ಯಾಕ್ ಗೆ 20ರೂ. ಅದಕ್ಕಿಂತ ಹೆಚ್ಚು ಬೆಲೆ ಇರುವಾಗ ಬೆಂಗಳೂರಿನ ಲಕ್ಕಸಂದ್ರದ ಗಣೇಶಗುಡಿ ರಸ್ತೆಯಲ್ಲಿ  ಕೇವಲ ರೂ.10ಕ್ಕೆ ಮಾರಾಟ ಮಾಡಲಾಗುತ್ತಿತ್ತು. ಈ ಬಗ್ಗೆ ಸುದ್ದಿ ಹರಡುತ್ತಿದ್ದಂತೆ ಹಾಲು ಮಾರಾಟ ಮಾಡುತ್ತಿದ್ದ ವ್ಯಕ್ತಿ ಪರಾರಿಯಾಗಿದ್ದಾನೆ.

ಈ ಹಾಲು ಅಸಲಿ, ನಕಲಿ ಎಂಬುದು ಇನ್ನೂ ಪತ್ತೆಯಾಗಿಲ್ಲ. ಅಲ್ಲದೇ ಹಾಲಿನ ಸತ್ಯಾಸತ್ಯತೆ ಕಂಡುಹಿಡಿಯಲು ಕೆಎಂಎಫ್ ಹಿಂದೇಟು ಹಾಕುತ್ತಿದ್ದು, ಹಾಲು ಎಲ್ಲಿಂದ ತರಲಾಗುತ್ತಿತ್ತೆಂದು,  ಕಳವು ಮಾಡಿ ತಂದು ಮಾರಾಟ ಮಾಡುತ್ತಿದ್ದಾರಾ ಎಂಬ ಬಗ್ಗೆ ಕೆಎಂಎಫ್ ಪತ್ತೆಹಚ್ಚಲು ಮುಂದಾಗಿಲ್ಲ ಎಂಬ ಆರೋಪ ಕೇಳಿಬಂದಿದೆ.