ಸಹಪಾಠಿಗಳಿಂದ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ

ಯುವತಿ ಗೆಳೆಯನೊಂದಿಗೆ ಇದ್ದ ಫೋಟೋವನ್ನು ಪೋಷಕರಿಗೆ ತೋರಿಸುವುದಾಗಿ ಬೆದರಿಸಿದ್ದ ವಿದ್ಯಾರ್ಥಿಗಳು ಅಕೆಯನ್ನು ಶಾಲೆಗೆ ಹಿಂಬದಿ ಕರೆದುಕೊಂಡು ಹೋಗಿ ಅತ್ಯಾಚಾರ ಎಸಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇತ್ತೀಚೆಗಷ್ಟೇ ಬಾಲಕಿ ತನ್ನ ಸ್ನೇಹಿತನ ಹುಟ್ಟುಹಬ್ಬದ ಕಾರ್ಯಕ್ರಮವೊಂದಕ್ಕೆ ತೆರಳಿದ್ದಳು. ಈ ವೇಳೆ ಬಾಲಕಿ ಮತ್ತೊಬ್ಬ ಸ್ನೇಹಿತನೊಂದಿಗೆ ಇರುವ ಫೋಟೋವನ್ನು ಸೆರೆಹಿಡಿದಿದ್ದು, ಅದನ್ನು ಪೋಷಕರಿಗೆ ತೋರಿಸುವುದಾಗಿ ಹೆದರಿಸಿದ್ದಾರೆ. ಮರುದಿನ ಶಾಲೆಯ ಹಿಂದಿನ ಪಾಳುಮನೆಗೆ ಬರಲು ಹೇಳಿದ್ದಾರೆ. ಜೂನ್ 1 ರಂದು ಶಾಲೆಯ ಊಟದ ವಿರಾಮ ಸಂದರ್ಭದಲ್ಲಿ ಬಾಲಕಿ ಶಾಲೆ ಹಿಂದಿನ ಮನೆಗೆ ತೆರಳಿದಾಗ ಮೂವರು ಆಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾರೆ. ಒಬ್ಬ ಕೃತ್ಯವನ್ನು ವೀಡಿಯೋ ಮಾಡಿ ಇತರ ವಿದ್ಯಾರ್ಥಿಗಳೊಂದಿಗೂ ಹಂಚಿಕೊಂಡಿದ್ದಾನೆ.

ವೀಡಿಯೋ ಶೇರ್ ಆಗುತ್ತಿದೆ ಎಂದು ತಿಳಿದ ಬಾಲಕಿ ತನ್ನ ತಾಯಿಯೊಂದಿಗೆ ವಿಷಯವನ್ನು ಹೇಳಿಕೊಂಡಿದ್ದಾಳೆ. ಆಕೆ ತಾಯಿ ದೂರು ನೀಡಿದ ಬಳಿಕ ಕಾರ್ಯಾಚರಣೆಗೆ ಇಳಿದ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.