ಕಲ್ಲಿನಿಂದ ಜಜ್ಜಿ, ನೇಣು ಹಾಕಿ, ಸೀಮೆಎಣ್ಣೆ ಸುರಿದ ಅತ್ತೆ, ಮಾವ, ಗಂಡನಿಗೆ ಜೀವಾವಧಿ

ವರದಕ್ಷಿಣೆ ಹಿಂಸೆ ನೀಡಿ ನವವಿವಾಹಿತೆಯನ್ನು ಅತ್ಯಂತ ಕ್ರೂರವಾಗಿ ಕೊಂದ ಗಂಡ, ಅತ್ತೆ- ಮಾವನಿಗೆ ಜೀವಾವಧಿ ಶಿಕ್ಷೆ ನೀಡುವ ಮೂಲಕ ಬೀದರ್ ಜಿಲ್ಲಾ ಪ್ರಧಾನ, ಸತ್ರ ನ್ಯಾಯಾಲಯ ಜೀವನ ಪರ್ಯಂತ ಜೈಲುವಾಸವನ್ನು ವಿಧಿಸಿದೆ. 

ಘಟನೆ ನಡೆದ ಒಂದು ವರ್ಷದೊಳಗೆ ಶಿಕ್ಷೆಯನ್ನು ಜಾರಿ ಮಾಡುವ ಮೂಲಕ ನ್ಯಾಯಮೂರ್ತಿ ಸಂಜೀವ್ ಕುಮಾರ ಅಪರೂಪದಲ್ಲಿ ಅಪರೂಪದ ತೀರ್ಪು ನೀಡಿದ್ದಾರೆ.

ಮೇ 8 2015ರಲ್ಲಿ ನಗರದ ರಾಜೇಂದ್ರ ನಾಯಕ ತಾಂಡಾದಪ್ರವೀಣ್ ಜಾಧವ್ ಜತೆ ಉಷಾ(20) ವಿವಾಹವಾಗಿತ್ತು. ಆಕೆ ವಿವಾಹವಾಗಿ ಬಂದಾಗಿನಿಂದ ವರದಕ್ಷಿಣೆ ಹಿಂಸೆ ನೀಡುತ್ತಿದ್ದ ಆಕೆಯ ಪತಿ ಪ್ರವೀಣ್, ಮಾವ ಲಕ್ಷ್ಮಣ್ ಮತ್ತು ಅತ್ತೆ ಅನಸೂಯಮ್ಮ ಜೂನ್ 3 ರಂದು ಆಕೆಯನ್ನು ನೇಣು ಹಾಕಿ ಹಾಕಿ ಕೊಂದು, ಸತ್ತಿದ್ದಾಳೆ ಎಂದು ಖಾತ್ರಿ ಪಡಿಸಿಕೊಳ್ಳಲು ತಲೆಯನ್ನು ಕಲ್ಲಿನಿಂದ ಜಜ್ಜಿದ್ದರು. ಬಳಿಕ ಸೀಮೆಎಣ್ಣೆ ಹಾಕಿ ಸುಟ್ಟಿದ್ದರು. ಈ ಅಮಾನುಷ ಕೃತ್ಯಕ್ಕೆ ಸಂಬಂಧಿಸಿದಂತೆ ಕಮಲ್ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು.

ಆರೋಪಿಗಳಿಗೆ ತಲಾ 75,000 ದಂಡವನ್ನು ಕೂಡ ವಿಧಿಸಲಾಗಿದೆ.