ಟರ್ಕಿ ಸಂಸತ್ತಿನಲ್ಲಿ ಮಾರಾಮಾರಿ: ಅನೇಕ ಸದಸ್ಯರಿಗೆ ಗಾಯ

ಟರ್ಕಿ ಸಂಸತ್ತಿನಲ್ಲಿ ಆಡಳಿತಾರೂಢ ಎಕೆ ಪಕ್ಷ ಮತ್ತು ಕುರ್ದಿ ಪರ ವಿರೋಧಪಕ್ಷದ ಸದಸ್ಯರ ನಡುವೆ ಭಾರೀ ಮಾರಾಮಾರಿ ಉಂಟಾಗಿದ್ದು, ಕಾಲಿನಲ್ಲಿ ಒದ್ದರು, ಮುಷ್ಠಿಯಲ್ಲಿ ಗುದ್ದಿದರು, ಪರಸ್ಪರ ನೀರಿನ ಸೀಸೆಗಳನ್ನು ಮೈಮೇಲೆ ಎರಚಿಕೊಂಡರು. ಇದರಿಂದ ಕಾನೂನು ಕ್ರಮದಿಂದ ಸಂಸದೀಯರ ರಕ್ಷಣೆಯನ್ನು ತೆರವು ಮಾಡುವ ಮಾತುಕತೆ ಸ್ಥಗಿತಗೊಂಡಿತು. 

ಗುರುವಾರ ಕೂಡ ನಡೆದ ಮಸೂದೆ ಕುರಿತ ಸಭೆ ಕೂಡ ಹೊಡೆದಾಟದಲ್ಲಿ ಮುಕ್ತಾಯವಾಗಿತ್ತು. 

ಕುರ್ದಿಶ್ ಮೂಲದ ಎಚ್‌ಡಿಪಿ ಈ ಮಸೂದೆಯು ತಮ್ಮ ಭಿನ್ನಮತವನ್ನು ದಮನ ಮಾಡುವ ಉದ್ದೇಶ ಹೊಂದಿದೆಯೆಂದು ಟೀಕಿಸಿತ್ತು.  ಎಕೆಪಿ ಸಂಸ್ಥಾಪಕ  ಅಧ್ಯಕ್ಷ ತಾಯಿಪ್ ಎರ್ಡೋಗನ್ ಎಚ್‌ಡಿಪಿ ಸದಸ್ಯರಿಗೆ ಕಾನೂನು ಕ್ರಮ ಎದುರಿಸುವಂತೆ ಕರೆನೀಡಿದ್ದರು.

ಎಚ್‌ಡಿಪಿಯು ನಿಷೇಧಿತ ಉಗ್ರಗಾಮಿ ಗುಂಪು ಪಿಕೆಕೆಯ ವಿಸ್ತರಿತ ಅಂಗವೆಂದು ಟೀಕಿಸಿದ್ದರು. ಮಸೂದೆ ಕುರಿತು ಚರ್ಚೆ ನಡೆಯುತ್ತಿದ್ದಂತೆಯೇ ಎರಡೂ ಪಕ್ಷಗಳ ಸದಸ್ಯರ ನಡುವೆ ಮುಷ್ಠಿಪ್ರಹಾರ ಜೋರಾಗಿ ನಡೆಯಿತು. ಕಾಲಿನಿಂದ ಕೆಲವರನ್ನು ಒದ್ದರು. ಅನೇಕ ಸದಸ್ಯರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾದರು. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ .