ಲೋಕಸಭಾ ಚುನಾವಣೆಗೆ ತುಮಕೂರಿನಿಂದ ವಿಶೇಷ ಅಭ್ಯರ್ಥಿ ಕಣಕ್ಕಿಳಿಸಲಿರುವ ಡಿಕೆಶಿ

ತುಮಕೂರು-ತುಮಕೂರು ಕ್ಷೇತ್ರದಲ್ಲಿ ಶಾಸಕ ಎಸ್‌. ಆರ್‌. ಶ್ರೀನಿವಾಸ್‌ ಪತ್ನಿ ಭಾರತೀ ಶ್ರೀನಿವಾಸ್‌ ಚುನಾವಣೆಯಲ್ಲಿ ಸ್ಪರ್ಧಿಸಲು ಸ್ವತಃ ಡಿ.ಕೆ. ಶಿವಕುಮಾರ್‌ ಅವರೇ ಸೂಚನೆ ನೀಡಿದ್ದಾರೆನ್ನಲಾಗಿದೆ. ಲೋಕಸಭಾ ಚುನಾವಣೆಗೆ ಕೆಲವೇ ತಿಂಗಳು ಬಾಕಿಯಿರುವಂತೆಯೇ ತುಮಕೂರು ಕ್ಷೇತ್ರದಲ್ಲಿ ಕಾಂಗ್ರೆಸ್‌ ಪಕ್ಷದಿಂದ ಅಚ್ಚರಿಯ ಅಭ್ಯರ್ಥಿ ಸ್ಪರ್ಧಿಸುವ ಸಾಧ್ಯತೆ ಕೇಳಿಬಂದಿದೆ.ಈ ಬಗ್ಗೆ ಶಾಸಕ ಎಸ್‌. ಆರ್‌. ಶ್ರೀನಿವಾಸ್‌ ಪ್ರತಿಕ್ರಿಯೆ ನೀಡಿ , ಮುದ್ದಹನುಮೇಗೌಡರ ಬದಲಾಗಿ ನನ್ನ ಪತ್ನಿಗೆ ಟಿಕೆಟ್‌ ನೀಡುವುದಾಗಿ ಡಿಸಿಎಂ ಡಿ.ಕೆ. ಶಿವಕುಮಾರ್‌ ಹೇಳಿದ್ದಾರೆ. ಆದರೆ ನನಗೆ ಅಷ್ಟು ಶಕ್ತಿ ಇಲ್ಲ ಎಂದು ಹೇಳಿದ್ದೇನೆ. ಹೇಳದೇ ಕೇಳದೇ ಪಕ್ಷ ಬಿಟ್ಟು ಹೋಗಿರುವ ಮುದ್ದಹನುಮೇ ಗೌಡರ ಬಗ್ಗೆ ಡಿಕೆಶಿ ಅವರಿಗೆ ಅಸಮಧಾನ ಇರಬಹುದು ಎಂದು ಹೇಳಿದ್ದಾರೆ. 

ಈ ಕುರಿತು ಪ್ರತಿಕ್ರಿಯಿಸಿದ ಭಾರತಿ ಶ್ರೀನಿವಾಸ್‌ ಅವರೂ  ನಗಿಂತ ಹಿರಿಯರು ಹಲವು ಮಂದಿ ಆಕಾಂಕ್ಷಿತರಿದ್ದಾರೆ. ಆದರೆ ಅವರೆಲ್ಲರನ್ನೂ ಹೊರತು ಪಡಿಸಿ ನನ್ನ ಹೆಸರು ಕೇಳಿಬಂದಿರುವುದು ಸಂತಸ ತಂದಿದೆ. ಪತಿ ಶ್ರೀನಿವಾಸ್‌ ಅವರಿಗಿಂತಲೂ ನನಗೆ ರಾಜಕೀಯದಲ್ಲಿ ಹೆಚ್ಚು ಆಸಕ್ತಿಯಿದೆ. ಕುಣೀಗಲ್‌ ಶಾಸಕ ರಂಗನಾಥ್‌, ಸಚಿವರಾದ ಲಕ್ಷ್ಮಿ ಹೆಬ್ಬಾಳ್ಕರ್‌ ಮತ್ತು ಜಮೀರ್‌ ಅಹ್ಮದ್‌ ನಮ್ಮ ಮನೆಯವರ ಮೇಲೆ ಒತ್ತಡ ಹಾಕಿದ್ದಾರೆ ಎಂದಿದ್ದಾರೆ.