ಭಾರತದಲ್ಲಿ ಭಾರೀ ಕುಸಿತ ಕಂಡ ದೈನಂದಿನ ಕೊರೋನಾ ಪ್ರಕರಣ

ದೇಶದಲ್ಲಿ ದಿನೇ ದಿನೇ ಕೊರೋನಾ ಸೋಂಕಿನ  ಪ್ರಕರಣಗಳ ಸಂಖ್ಯೆಯಲ್ಲಿ ಭಾರೀ ಇಳಿಕೆ ಮುಂದುವರೆದಿದೆ. ಇಂದು ಭಾರತದಲ್ಲಿ 34,113 ಪ್ರಕರಣಗಳೊಂದಿಗೆ ದೈನಂದಿನ ಕೋವಿಡ್ ಪಟ್ಟಿಯಲ್ಲಿ ಕೆಳಮುಖ ಪ್ರವೃತ್ತಿಯನ್ನು ಮುಂದುವರಿಸಿದೆ.

ಕಳೆದ 24 ಗಂಟೆಗಳಲ್ಲಿ 34,113 ಜನರಿಗೆ ಹೊಸದಾಗಿ ಕೊರೋನಾ ಸೋಂಕು  ದೃಢಪಟ್ಟಿದೆ. ಈ ಮೂಲಕ ದೇಶದಲ್ಲಿ ದೈನಂದಿನ ಕೋವಿಡ್-19ರ ಸಂಖ್ಯೆ ಸೋಮವಾರ ಮತ್ತಷ್ಟು ಕುಸಿದಿದೆ. ದೇಶದ ಸಕ್ರಿಯ ಕೇಸ್ ಲೋಡ್ ಐದು ಲಕ್ಷಕ್ಕಿಂತ ಕಡಿಮೆಯಾಗಿದೆ.

ಈ ಕುರಿತಂತೆ ಕೇಂದ್ರ ಆರೋಗ್ಯ ಸಚಿವಾಲಯ ಮಾಹಿತಿ ಹಂಚಿಕೊಂಡಿದ್ದು, ಕಳೆದ 24 ಗಂಟೆಯಲ್ಲಿ 34,113 ಮಂದಿಗೆ ಕೋವಿಡ್ ಸೋಂಕು ತಗುಲಿದೆ. ಸೋಂಕಿನಿಂದಾಗಿ 346 ಮಂದಿ ಸಾವನ್ನಪ್ಪಿದ್ದಾರೆ. ಇಂದು 91,930 ಮಂದಿ ಗುಣಮುಖರಾಗಿರೋದಾಗಿ ತಿಳಿಸಿದೆ.

ಕೋವಿಡ್ ಪಾಸಿಟಿವಿಟಿ ದರ ಶೇ.3.19ಕ್ಕೆ ಇಳಿಕೆಯಾಗಿದೆ. ಈಗ ದೇಶದಲ್ಲಿ 4,78,882 ಸಕ್ರೀಯ ಸೋಂಕಿತರಿದ್ದಾರೆ. ಇದುವರೆದೆ 4,16,77,641 ಮಂದಿ ಗುಣಮುಖರಾಗಿದ್ದಾರೆ. 5,09,011 ಜನರು ಸಾವನ್ನಪ್ಪಿರೋದಾಗಿ ತಿಳಿಸಿದೆ.